Malantaw gikan sa habagatan-kasadpang (southwest) bahin, nga nagtan-aw Sterling Forest Lake (Blue Lake). Sa atubangan, gitrabaho ang basement sa Residence D. Duol sa lanaw, giandam ang sementong mga bungbong para sa Residence C.

Giasembol sa mga boluntaryo ang prefabricated o human-daan nga kasilyas, gitawag ug “pod,” para sa mga puy-anan. Ang “pod” naglakip sa framing, wallboard, rough plumbing ug electrical, ventilation, ug bathtub enclosure. Makompleto na ang kasilyas human mainstalar ang “pod” sa bilding.

Mga plumber nagtrabaho sa basement. Panahon sa konstruksiyon, kini nga seksiyon ang kan-anan sa mga 500 ka boluntaryo, ug ang ubang dapit sa bilding mahimong kan-anan sa mga 300 pa ka boluntaryo. Sa hapit nang mahuman ang konstruksiyon, kining temporaryong mga kan-anan himoong maintenance shop sa mga sakyanan.

Grupo sa mga boluntaryo naglatad sa espesyal nga pagkatimplang yuta para sa atop, gitawag ug “green roofs.” Ang green roofs, nga may mga tanom, makatabang sa kalikopan (environment) kay mamenosan niini ang panginahanglan sa enerhiya, mamenosan ang pagbaha, ug magsala sa mga hugaw sa ulan.

Kini nga seksiyon adunay tulo ka bilding nga gitapo nga may total nga gilapdong 42,000 metro kuwadrado nga floor space. Mga kontraktor sa gawas ang nagplastar sa mga kabilya para sa mga poste.

Mga boluntaryo naggamit ug propane torch sa pagtaod sa aspalto nga atop. Duna silay mga safety harness aron dili sila mahulog.

Giinstalar ang prefabricated ductwork ug mga gamit sa HVAC. Mga babaye ang duolan sa 35 porsiyento sa mga Saksi nga nagtrabaho sa Warwick.

Kini nga bilding, nga gigamit isip bodega ug prefabrication center, napalit niadtong Pebrero 2014 sa pagsuportar sa proyekto. Kini may 20,000 metro kuwadrado nga interior space. Ang puting mga kahon sa ibabaw nga tuo maoy prefabricated nga mga kasilyas nga andam nang ipadala.

Gipakita dinhi ang amihanan-silangan (northeast) nga bahin sa bilding. Kini maoy puy-anan sa mga 200 ka membro sa headquarters staff. Kadaghanan sa mga kuwarto may gidak-on nga 30 ngadto sa 55 ka metro kuwadrado ug dunay kosina, kasilyas, gamayng balkonahe.

Nag-andam sa luna para sa konstruksiyon. Sa ibabaw nga wala, gidugmok sa rock crusher ang dagkong bato nga gamiton sa proyekto. Inigkahuman sa proyekto, mga 260,000 metro kubiko nga yuta ang mahabwa gikan sa Warwick site. Mga 23 ka dekarga ang gigamit kada adlaw.

Gitamnan ang atop.

Hulagway nga kuha gikan sa boom sa dakong crane, nga nagpakita sa habagatan-kasadpan (southwest) ibabaw sa office building. Makita sa ubos nga wala ang nahuman nga Visitor Parking Building, nga kada adlaw mapunog sakyanan sa mga boluntaryo. Ang ubang mga Saksi nagbiyaheg mga 12 oras sa pagpaingon lang sa Warwick aron makaboluntaryog tulo o upat ka adlaw sa konstruksiyon.

Hapit nang mahuman ang temporaryong kan-anan. Ang mga video monitor (wala pa mainstalar) ug mga speaker sa kisame ikonektar sa United States branch office para sa morning worship ug ubang espirituwal nga mga programa.

Pagsemento sa unang andana. Sa tuo, ang boluntaryo naggamit ug concrete vibrator aron maayong pagkasagol ang semento ug lig-ong pagkaplastar.

Electrical conduit o agianan sa koryente nga giplastar sa sentro sa bilding, andam nang tabonan ug basement slab.

Pagsemento sa unang andana hapit nang mahuman. Kini ang kinadak-ang pagsemento sa proyekto sa Warwick hangtod niining tungora, nga nagkobre ug 540 metro kubiko nga luna. Ang semento giandam sa duol nga planta, ug gihatod pinaagig walo ka trak nga mixer ug duha ka concrete pumps, ug ibuhos ang semento sulod sa 5 1/2 ka oras. Sa tungang bahin sa hulagway makita ang usa sa mga stair tower sa bilding.

Pagtaod sa ali sa atop. Sa unahan, gisugdan ang pagtukod sa basement sa Residence A.

Ang prefabricated nga kasilyas gipasakag crane ngadto sa ikatulong andana. Daghang prefabricated nga mga butang ang gigamit sa proyekto sa Warwick, aron dili maghuot ang lugar ug paspas ang konstruksiyon.

Giinstalar sa mga kontraktor ang giporma-daan nga sementong mga bungbong. May kolor na ang semento, busa dili na pintalan ang mga bungbong ug gamay rang maintenance ang gikinahanglan. Dali ra kining itaod busa makatabang kini nga mahuman ang konstruksiyon sa gitakdang panahon.

Malantaw gikan sa habagatan-kasadpan (southwest). Sa atubangan, giplastar ang mga porma para sa gitrabaho nga sunod andana sa Residence D; luyo niini, ang Residence C hapit nang mahuman.