Ifa I Kot?

September 11, 2001: Kulok 8:46 lesossor, efoch sepelin a purei ewe World Trade Center lon New York City, ina poputään än ekkewe terrorist kokkotun nielo chommong aramas. Lon ekkewe 102 minich mwirin, ina epwe 3,000 ra mälo.

December 26, 2004

Eü watteen chechchechin fönü lon matauen India a efisatä watteen noo mi tori 11 fönü, pachelong Afrika, ükükün 3,000 mwail towauan. Lon eü chök rän, 150,000 ra mälo are rese chüen pwä, iwe, lap seni eü million ese chüen wor imwer.

August 1, 2009: Emön mwän me nöün we kükkün ät ra wawa waar we sein kukkunou leset mi fokkun mwittir (jet-ski), iwe, ra purei eü oror. Ewe mwän a mä. Nöün we ese mä lon ena atun, nge mwirin eü rän, a mä. Emön märäriir mi letipechou a erä, “Äm aua äneänei pwe epwe fis eü manaman pwe esap mä.”

Lupwen ka rong pworausen angangen terrorist are mettoch mi efeiengaw are a toruk mettoch mi eriäfföü, ka fen ekieki ika Kot a küna met a fis? Ka fen ekieki pwe a likitikichelo? Än Paipel pölüweni ekkena kapas eis a aururukich, usun ach sipwele küna.

[Credit Line]

© Dieter Telemans/Panos Pictures

PRAKASH SINGH/AFP/Getty Images

© Dieter Telemans/Panos Pictures