Хӑш-пӗр ҫынсем Турӑ эпир асапланнине курмасть е уншӑн пурпӗрех теҫҫӗ.

•  Турӑ веҫех курать, уншӑн пурпӗрех мар

  «Ҫӳлхуҫа Турӑ этемсем ҫӗр ҫинче питех те аскӑнланса пурӑннине курнӑ... Хӑй ӑшӗнче хытӑ куляннӑ» (Пултарни 6:5, 6).

•  Турӑ пӗтӗм хӗн-асапа пӗтерӗ

  «Вӑраха та каймӗ — усал ҫын пулмӗ; вӑл тӑнӑ вырӑна пӑхӑн та — вӑл ҫук та. Йӑвашшисем еткерлӗх ҫӗр илӗҫ, вӗсем тулли тӑнӑҫлӑхпа савӑнса пурӑнӗҫ» (Псалом 36:10, 11).

•  Турӑ пире телейлӗ тӑвасшӑн

  «Эпӗ сирӗншӗн мӗн тума палӑртнине Хам анчах пӗлетӗп, тет Ҫӳлхуҫа, малашлӑхпа шанчӑк парса Эпӗ сире хуйхӑ-суйхӑ мар, тӑнӑҫлӑх пама палӑртнӑ. Мана тархаслатӑр та, Ман патӑма пырса кӗлтӑватӑр та — Эпӗ сире илтӗп» (Иеремия 29:11, 12).

  «Турӑ патне ҫывӑхарӑр, Вӑл та сирӗн пата ҫывӑхарӗ» (Иаков 4:8).