Pë ˈö Antonio Guterɛsö, ˈö ˗kë ONU ˗bha ˈsëëdhɛ ˗bɛnzëmɛn ˈkpii˗ ˈka ˈö˗ pö ˈˈsɛ ˈˈgblʋ̈gblʋ̈ ˗nu ˗bha ˗bhɔkwëë do ˈö ˗gban ˈˈtʋ̈ŋ ˗bha ꞊slëë˗ ˈgü ˗sü ˗bha ˗a ˗ta, ˈö yö ˈˈkpɛnŋ ˗kwɛ 2022 Avlidhö 4 ˈka, yö ꞊nɛɛn. ˗Ya ˗pö: «˗A ˈˈtʋ̈ŋ ˈyaa ꞊gblɛɛn ˈzü kö ˈˈtʋ̈ŋ ˗yö slëeˈˈ ö ˈgü ˈwɔn ꞊vadhɛ ˈö mɛnbhɩɩdhe ˗nu ˈwo˗ kë ˗ni ˈgü bhë, ˗an ˈkosɔn. ˈˈYi ˗dho ˈsɔ ˈˈkwipö ˈˈgblʋ̈gblʋ̈ ˗nu ˗ta. ˈˈWo ˗dho dɔ. ˈˈTɛɛ ˈˈgbɩɩ˗ ꞊dede ˗nu ˗dho ʒiö˗. ˈˈYi ˗wɔn ˗dho kë ˈˈsɛ ˈˈpian ꞊vadhɛ ˈgü. ˈˈDhü waa wü suu ˈˈmliɲɔn do ˗dho ˈgo ˈˈshia˗. ꞊Suawɔn ɛɛnˈˈ ˈwɔn ˗nu ˗ʒiö ꞊gɔɔ ˗sü ˈyaa ˗mü. Pë ˈö ꞊klaŋ ˈˈgblʋ̈gblʋ̈ ˗nu ˈwo˗ pö yi ˗dhɛ, yö ˗mü. ˈYö ˗yö ˗sü ˗kɔ ˈö mɛnbhɩɩdhe ˗nu ˈwo yö ˗kë ˗ni ˈgü ˗a ˈka ˈˈyi, ˈˈwɔyi, ˈɲënŋ˗ ɛɛnˈˈ ˈˈdhü ˗nu ˈka bhë, ˗a ˗bha.»

 Pë ˈö zuunalö New York Times ˈö˗ bɛn zë ˗kwɛ 2022 Ʒuɛn 15 ˈka ˈwɔn ˗gɔ « Inondations chaotiques à Yellowstone, signe de crises à venir » ˈgü, yö ꞊nɛɛn. ˗Ya ˗pö: «꞊Klaŋ ˈˈgblʋ̈gblʋ̈ ˗nu ˗wa pö ˗ni ˈgü ˗kpalwo ꞊dhɛ ˗kwɛ ˗nu ˈwo nu ˗ni ˈgü yö ˗an ˈka, ˈˈkpɔnŋtaadhɛ shiʋ̈ˈˈ ˗sü ˈö ˗gban ˈˈtʋ̈ŋ ˗bha ˗slëë ö ˈgü ˗sü ˗bha bhë, ˗dho ˈˈyɛ ˗kɔ yaa kë ˈˈkwi ˗bha ˈˈblü kpö 423 ˈö ˈwo Zeta zuni bhë, ˗an ꞊gban ˗bha. ˈWɔn yaa ˈö dho ˈgo˗ ˈgü bhë, ˗yö ˗dho kë ꞊dhɛ pë ˈö ˈˈwo, ˈˈyi ˈö pa ɛɛnˈˈ ˈˈmënŋga ˈwo˗ ˗kë ˈö ˈkwa ˗an ˗wo pö Biblö ˈgü bhë, ˗an ˈdhö.»

 ˈWɔn ˗nu ˈwo ˗gban ˈˈkpɔnŋtaadhɛ shiʋ̈ˈˈ ˗sü ˗bha, ˗an ˈˈɲan ˗dho bhɔ ˗ee? ꞊Ya kë ꞊dhɛ ˗a ˈˈɲan ˗dho bhɔ, ˈde dho ˗a ˈˈɲan bhɔ? Pë ˈö Biblö ˗ya pö, ˗bhö ˗a ˗ga.

 Biblö ˗ya ˗pö ꞊dhɛ ˗Zlan ˗dho ‹ˈwɔn bho ˈˈsɛ see˗ ˗mɛ ˗nu ˈgü.› (˗Dhɛkpaɔ dhiaˈˈ ˈsëëdhɛ 11:18) ˈWɔn ˗yaaga ˈnën Biblö ˈˈɲan bhë ˗ya ˗zɔn:

1.  1. Mɛnbhɩɩdhe këwɔn ˗nu ˗dho ˈˈsɛ shiʋ̈ˈˈ ꞊dedewo.

2.  2. ˈˈSɛ shiʋ̈ˈˈ ˗sü ˈˈdhiʋ̈ ˗dho ˈduannu.

3.  3. ˗Zlan ˈnën ˗dho ˈwɔn ˈö ˗gban ˈˈkpɔnŋtaadhɛ shiʋ̈ˈˈ ˗sü ˗bha bhë ˗a ˈˈɲan bhɔ. Mɛnbhɩɩdhe ˗nu ˈwaa mü.

 Biblö ˗ya ˗pö ꞊dhɛ «ˈˈsɛ ˗dho kë ˗dhö ˗toëpö ˈka.» (Ecclésiaste 1:4) Mɛn ˗nu ˈwii ˈdho ˈgo˗ ˗ta toŋtoŋdhö.

•   «ˈˈSɛ ˗dho ˈto mɛn kpɛnŋdhö ˗nu ˗gɔ ˈö ˈwo to ˗a ˗ta yi ꞊gban ˈˈpɛpɛ ˈka.»—Psaume 37:29.

 ˗Zlan ˗dho ˈˈsɛtadhɛ baaˈˈ ˈö ˈwɔn ˗nu ˗wo nu wo ˈˈgblʋʋ ˈgü ˗dɛɛwo.

•   «Pë ˗nu ˗dho bhɔ ˈˈyɛɛtadhɛ waa ˗dhɛ ˈˈkpɛɛdhɛ ˗nu ˈgü. ˈˈYɛɛtadhɛ ˗dho kë ˗së ˈö ˈˈbin ˗ya ꞊dhɛ saflan ˈdhö.»—Isaïe 35:1.