Nɔkpeɛne zaa kyebe ka, a Baabole poɔ yɛlɛ na hoŋ zanne na vɛŋɛɛŋ ka nɔmmo na hoŋ taa ko Jehoova na maaleŋ e kpeɛŋaa. Aseŋ ka te moɔ̃ niŋe a erɛ yɛlɛ naŋ na vɛŋ ka a nɔmmo ŋa maaleŋ e kpeɛŋaa. (1 Piita 2:2) Ka hooŋ moɔ̃ niŋe zanna a Baabole, a na soŋ boŋ ka ho tagra peɛlɛ Naaŋmen, a lɛ nyɛ nyɔvore naŋ ba taa baaraa meŋ.​—Kanne Gyɔɔn 17:3; Gyud 21.

 Ka bammo na hoŋ taa kyaare Naaŋmen naŋ duoro saa, sagediibu na hoŋ taa o eŋɛŋ na meŋ na maaleŋ eɛ kpeɛŋaa yaga zaa. Sagediibu na soŋ boŋ ka ho toɔ̃ pɛlɛ Naaŋmen poɔ. (Hiburu 11:1, 6) Sagediibu na eŋ boŋ faŋa ka ho leɛre ho eebo, a lɛ e leɛroo naŋ na baŋ soŋ bo ho zemmo poɔŋ.​—Kanne Toma 3:19.

 Te baŋɛɛŋ ka ho boɔrɔŋ ka ho manna yɛlɛ na hoŋ zanna na korɔ ho taaba. A maŋ eɛ te zaa noɔ̃ ka te moɔlɔ duorisoŋ korɔ noba. Ka hooŋ moɔ̃ niŋe zanna a Baabole, ho na wa baŋɛɛ sori hoŋ na baŋ tu a soŋ noba ka ba baŋ Jehoova ane a duorisoŋ yɛlɛ naŋ be a Baabole poɔŋ na.​—Kanne Urom 10:13-15.

 Noba mine maŋ piiliŋ a manna a duorisoŋ yɛlɛ korɔ ba zɔmenne kyɛbee ba dɔgreba. Maŋ tu gyeremɛ soriŋ a erɛ lɛ. Ta wa yele korɔ ba ka ba puoruu na eɛ zirii puoruu, kyɛ mãã ho meŋɛ a manne Naaŋmen nɔ-ennee na yɛlɛ ko ba. Ane meŋ, leɛteɛre ka gyogo na hoŋ wulo noba na la maŋ tɔ ba sukyie a gaŋ yɛlɛ na hoŋ na yeli neŋ ho noɔre.​—Kanne 2 Timoti 2:24, 25.

 Ka hooŋ zanna Naaŋmen Yelbiri na, a na soŋ boŋ ka ho ne o niiloŋ na e kpeɛŋaa. Wagre naŋ gɛrɛ poɔŋ na, ho ne Jehoova  na wa taaɛ niiloŋ kaŋa naŋ e o yoŋ. Ho meŋ na baŋ wa poɔ la o booree na poɔŋ.​—Kanne 2 Korinti 6:18.

 Ka hooŋ moɔ̃ niŋe zanna a Baabole, ho na nyɛrɛɛ nimitɔɔre gaabo. (Hiburu 5:13, 14) Yelko Jehoova Sieree Deme kaŋa ka o de a What Does the Bible Really Teach? gane na soŋ bo ka ho zanne a Baabole. Ka hooŋ moɔ̃ niŋe zanna Naaŋmen Yelbiri na, ho zemmo yɛlɛ na maaleŋ somaŋ yaga zaa.​—Kanne Yieme 1:1-3; 73:27, 28.

 A duorisoŋ yi la a popeɛloŋ Naaŋmen Jehoova zie. Ka hooŋ tagra peɛlɛ o puorebiiri na, a na soŋ boŋ ka ho maaleŋ tagra peɛloo yaga zaa. (Hiburu 10:24, 25) Ka hooŋ moɔ̃ niŋe a erɛ yɛlɛ naŋ pɛlɛ Jehoova poɔ, a na soŋ boŋ ka ho nu kpɛ a nyɔvo-meŋɛ naŋ la nyɔvore naŋ ba taa baaraa na. Yɛlɛ naŋ soma ho zemmo poɔ yaga zaa hoŋ na baŋ e la ka ho tagra peɛlɛ Naaŋmen.​—Kanne 1 Timoti 1:11; 6:19.