Ja la bwam
Bibe̱l e titi kalat’a do̱kita. Nde e be̱n malea ma mongwane̱ ońola ja la bwam. Jombweye so̱ te̱ bete̱sedi ba Bibe̱l bō̱ be ná bongwane̱ wa o bata be̱ne̱ ja la bwam.
BONGWA ŃOL’ANGO̱
BETE̱SEDI BA BIBE̱L: “To̱ moto a si singe̱ eyobo ao ponda to̱ po̱; nde a mabongwa nde mo̱ na jombwea pe̱ ońol’ao.”—Efeso 5:29.
NJE NIKA E MAPULANO̱ O KWALA: Ben bete̱sedi ba Bibe̱l be matute̱le̱ biso̱ o bongwa ńol’asu. Muwaso mō̱ mu lee̱ ná mulatako mwe oteten a jita la maboa na mbadi bato ba madie̱le̱no̱ longe̱ labu. Di die̱le̱ so̱ te̱ longe̱ lasu o mbad’a bwam, di mabe̱ne̱ ja la bwam.
NJE WENO̱ NÁ O BOLA:
-
Nje o madano̱. Da nje e mawaneye̱ wa ja la bwam o ńo̱ pe̱ madiba jita.
-
Souse̱ ńolo. Souse̱ la ńolo le ná longwane̱ wa ońola ja la bwam, e be̱ ná o dia eso̱mbe̱ to̱ ke̱m, we eboki, to̱ moto nu be̱n diboa di si mabo̱. Ye mbale̱ ná mbia, mako̱m to̱ mado̱kita be ná bongwane̱ wa, nde wame̱ne̱ nde o be̱n ná o bole dongo dinde̱ne̱ l’ebolo!
-
Ko̱ iyo̱ ńai ni dongame̱n. Moto nu si ko̱lo̱ngo̱ne̱ o ko̱ iyo̱ ńai ni dongame̱n e ná a sukane̱ o be̱ne̱ maboa ma ngińa. Bato jita ba matombise̱ nde ponda bangame̱nno̱ ko̱ iyo̱ o bola mambo mape̱pe̱. Nde ko̱ la iyo̱ ńai ni dongame̱n le ná di lenea wa ja la bwam.
ESE̱LE̱ BEDE̱MO BA BOBE
BETE̱SEDI BA BIBE̱L: “Di sangise̱ mbindo asu ńe̱se̱ ń’eyobo na ńa mudī.”—2 Korinto 7:1.
NJE NIKA E MAPULANO̱ O KWALA: Di mabe̱ne̱ ja la bwam ke̱ di si makwese̱ mańolo masu mbindo na mambo ma bobe ka sika, ni biane̱ ka njo̱m a boso ńa maboa na kwedi.
NJE WENO̱ NÁ O BOLA: Te̱se̱ buńa o mese̱le̱no̱ y’ede̱mo, o tile pe̱ mo̱ o kalenda. Obiana bo buńa bo mapo̱, pimba sika na nje ye̱se̱ e lati na y’ede̱mo a bobe. O s’ala pe̱ to̱ o bepolo bato ba mańo̱no̱ sika. Baise̱ pe̱ mako̱m mo̱ngo̱ ná ma sue̱le̱ bedomsedi o no̱ngino̱.
BETE̱SEDI BA BIBE̱L BEPE̱PE̱
We ná o baise̱ to̱ njika Mboṅ a Yehova ni maje̱ owe̱ni weno̱ ná ńongwane̱ wa o kusa Bibe̱l
WE̱ NÁ O SAMBE MBEU A ŃOLO KE̱ O MABOLA LAMBO.
“O malonga te̱ ndabo a peńa, po̱ngo̱ edim’a ko̱to̱ omo̱ń a muńua mo̱ngo̱ ná o si kusise̱ ndabo ango̱ njo̱m a maya, ke̱ moto a kwedi oten.”—NDIMBISEDI 22:8.
ALEA MALINGA MO̱NGO̱.
“Mot’a we̱lisane̱ a be̱n so̱ṅtane̱ dinde̱ne̱, nde nu nu s’ambi linge̱ a māse̱ elemā nate̱n’omo̱ń.”—MINIA 14:29.
O SI DA BUKA DIME̱NE̱.
“O si songame̱ oteten a . . . bade̱ . . . na mukubo.”—MINIA 23:20.
