1 Kronika 9:1-44
9 Woŋlɔ Israel-viwo katã ŋkɔ le woƒe dzidzimeawo nu, eye woŋlɔ wo ɖe Israel-fiawo Ƒe Agbalẽ me. Ke wokplɔ Yuda yi aboyo me le Babilon le eƒe nuteƒemawɔmawɔ ta.+
2 Ame gbãtɔ siwo trɔ gbɔ va woƒe duwo me le woƒe anyigba dzi woe nye: Israel-vi aɖewo, nunɔlawo, Lewi viwo kple gbedoxɔmesubɔlawo.*+
3 Eye ame aɖewo tso Yuda,+ Benyamin,+ Efrayim kple Manase toawo me trɔ va nɔ Yerusalem:
4 Utai, Amihud vi, Omri vi, Imri vi, Bani vi, tso Yuda vi Perez+ ƒe dzidzimeviwo dome.
5 Ame siwo tso Silotɔwo domee nye: Asaya, si nye ŋgɔgbevi la, kple viawo.
6 Ame siwo tso Zera+ viwo domee nye: Yeuel kple wo nɔvi alafa ade blaasieke.
7 Ame siwo tso Benyamin viwo domee nye: Salu, ame si nye Mesulam vi, Hodavia vi, Hasenua vi;
8 Yibneya, Yeroham vi; Ela, Uzi vi, Mikri vi; Mesulam, Sefatiya vi, Reuel vi, Yibniya vi.
9 Eye wo nɔviwo le woƒe dzidzimeawo nu le alafa asieke blaatɔ̃ vɔ ade. Ŋutsu siawo katã nye tatɔwo le wo fofowo ƒe aƒekɔwo nu.
10 Ame siwo tso nunɔlawo domee nye: Yedaya, Yehoyarib, Yakin,+
11 Azariya, ame si nye Hilkiya vi, Mesulam vi, Zadok vi, Merayot vi, Ahitub vi, ame si nye ŋgɔxɔla le Mawu vavã la ƒe aƒe* la me,
12 Adaya, Yeroham vi, Pashur vi, Malkiya vi; Maasai, Adiel vi, ame si nye Yahzera vi, Mesulam vi, Mesilemit vi, Imer vi,
13 kple wo nɔvi siwo nye tatɔwo le wo fofowo ƒe aƒekɔwo nu; wole ame akpe ɖeka alafa adre blaade, eye wonye ŋutsu sesẽ siwo ate ŋu awɔ Mawu vavã la ƒe aƒe la ŋuti subɔsubɔdɔ la.
14 Ame siwo tso Lewi viwo domee nye: Semaya,+ si nye Hasub vi, Azrikam vi, Hasabiya si tso Merari ƒe dzidzimeviwo dome;
15 kple Bakbakar, Heres, Galal, kple Mataniya, ame si nye Mika vi, Zikri vi, Asaf vi,
16 Obadiya, ame si nye Semaya vi, Galal vi, Yedutun vi, kple Berekiya, ame si nye Asa vi, Elkana vi, si nɔ Netofatɔwo+ ƒe kɔƒewo me.
17 Agbonudzɔlawoe+ nye: Salum, Akub, Talmon, Ahiman; wo nɔvi Salum ye nye woƒe tatɔ,
18 eye va se ɖe ɣemaɣi la, enɔ fia ƒe agbo la nu le ɣedzeƒe+ gome. Ame siawoe nye Lewi viwo ƒe asaɖawo ƒe agbonudzɔlawo.
19 Salum, ame si nye Kore vi, Ebiasaf vi, Kora vi, kple nɔvia siwo nye Kora viwo tso fofoa ƒe aƒe me la nɔ subɔsubɔdɔ la nu, eye woawoe dzɔa agbadɔ la ƒe mɔnu, abe wo fofo siwo dzɔ Yehowa ƒe asaɖa la ƒe mɔnu ke ene.
20 Finehas,+ ame si nye Eleazar+ vie nye kplɔla nɔ wo nu tsã, eye Yehowa nɔ kplii.
21 Zakariya,+ ame si nye Meselemiya vie nye agbonudzɔla le takpegbadɔ la nu.
22 Ame siwo katã wotia be woanye agbonudzɔlawo le kpuiawo nu la le ame alafa eve wuieve. Wonɔ woƒe kɔƒewo me le ɖoɖo si nu woŋlɔ woƒe ŋkɔwo ɖo le woƒe dzidzimeawo+ nu la nu. David kple nukpɔla+ Samuel ka ɖe ame siawo dzi hetsɔ wo ɖo woƒe ɖoƒe tɔxɛ la.
23 Woawo kple wo viwoe nye dzɔlawo nɔ Yehowa ƒe aƒe,+ si nye avɔgbadɔ la ƒe agbo nu.
24 Agbonudzɔlawo nɔ akpa eneawo dzi—ɣedzeƒe gome, ɣetoɖoƒe gome, dziehe gome kple anyiehe+ gome.
25 Eye tso ɣeyiɣi yi ɣeyiɣi la, wo nɔviwo tsoa woƒe kɔƒewo me va kpena ɖe wo ŋu ŋkeke adre.
26 Wotsɔ agbonudzɔlawo ƒe amegã* ene siwo dzi woka ɖo la ɖo ɖoƒe tɔxɛ. Wonye Lewi viwo, eye woawoe kpɔa xɔawo* kple Mawu vavã la ƒe aƒe la ƒe kesinɔnudzraɖoƒe la dzi.+
27 Wotsia Mawu vavã la ƒe aƒe la ŋu dɔna, elabena woawoe nye dzɔlawo, woawoe kpɔa safuiawo dzi, eye woʋua agboawo ŋdi sia ŋdi.
28 Wo dometɔ aɖewo kpɔa subɔsubɔdɔ la ƒe dɔwɔnuwo dzi,+ elabena woxlẽa wo hafi tsɔna vanɛ, eye woxlẽa wo hafi tsɔa wo doa goe.
29 Woɖo wo dometɔ aɖewo be woakpɔ dɔwɔnu bubuawo, dɔwɔnu kɔkɔeawo katã,+ wɔ memee,+ wain,+ ami,+ lifi+ kple balsam-mi+ la dzi.
30 Nunɔlawo ƒe viwo dometɔ aɖewo wɔa ami ʋeʋĩ si wotsɔa balsam-mi tsakana.
31 Woka ɖe Matitiya, si tso Lewi viwo dome, eye wònye Salum, si tso Kora ƒomea me, ƒe ŋgɔgbevi la dzi tsɔe ɖo nu siwo womèna le agba me+ ƒe dɔ la nu.
32 Eye wo nɔvi siwo nye Kohat viwo dometɔ aɖewo kpɔa abolo*+ siwo woɖona ɖe wo nɔewo dzi la dzi, eye wowɔnɛ sabat sia sabat.+
33 Ame siawoe nye hadzilawo, siwo nye Lewi vi siwo nye tatɔwo le wo fofowo ƒe aƒekɔwo nu le xɔawo* me, ame siwo mewɔa dɔ bubu aɖeke o; elabena enye woƒe agbanɔamedzi be woanɔ woƒe dɔa dzi zã kple keli.
34 Ame siawoe nye Lewi viwo ƒe tatɔwo le wo fofowo ƒe aƒekɔwo nu le woƒe dzidzimeawo nu, wonye tatɔwo. Ame siawoe nɔ Yerusalem.
35 Gibeon fofo Yeiel nɔ du si nye Gibeon me.+ Srɔ̃a ŋkɔe nye Maaka.
36 Eƒe ŋgɔgbevie nye Abdon, eyometɔwoe nye Zur, Kis, Baal, Ner, Nadab,
37 Gedor, Ahiyo, Zakariya kple Miklot.
38 Miklot dzi Simea. Ame siawo katã nɔ teƒe si gogo wo nɔviwo le Yerusalem le wo nɔvi bubuwo gbɔ.
39 Ner+ dzi Kis; Kis dzi Saul;+ Saul dzi Yonatan,+ Malki-Sua,+ Abinadab+ kple Esbaal.
40 Yonatan dzi Merib-Baal.+ Eye Merib-Baal dzi Mika.+
41 Mika viwoe nye Piton, Melek, Tarea kple Ahaz.
42 Ahaz dzi Yara; Yara dzi Alemet, Azmavet kple Zimri. Zimri dzi Moza.
43 Moza vie nye Binea, eya hã ƒe vie nye Rafa, eya hã ƒe vie nye Eleasa, eya hã ƒe vie nye Azel.
44 Vi ade le Azel si, eye woƒe ŋkɔwoe nye: Azrikam, Bokeru, Ismael, Seariya, Obadiya kple Hanan. Ame siawoe nye Azel viwo.
Etenuŋɔŋlɔ
^ Alo, “Netinimwo.” Egɔmeɖeɖe tẽe, “Ame siwo wotsɔ na.”
^ Alo, “gbedoxɔ.”
^ Alo, “nuɖuxɔawo.”
^ Egɔmeɖeɖe tẽe, “agbonudzɔla sesẽ.”
^ Efia, ŋkumeɖobolo.
^ Alo, “nuɖuxɔawo.”
