Psalmowo 113:1-9
113 Mikafu Yah!*
Mi Yehowa subɔlawo, mikafui,Mikafu Yehowa ƒe ŋkɔ.
2 Woakafu Yehowa ƒe ŋkɔTso fifia yi mavɔmavɔ me.+
3 Mikafu Yehowa ƒe ŋkɔ+Tso ɣedzeƒe va se ɖe ɣetoɖoƒe.
4 Yehowa ɖo kpo ɖe dukɔwo katã dzi;+Eƒe ŋutikɔkɔe kɔ gbɔ dziƒowo ta.+
5 Ame kae le abe Yehowa mía Mawu,+Ame si bɔbɔ nɔ dziƒo ʋĩi* la ene?
6 Ebɔbɔ be yeakpɔ dziƒo kple anyigba,+
7 Efɔa ame tsɛ ɖe tsitre tso ʋuʋudedi me.
Ekɔa ame dahe ɖe dzi tso dzofi me*+
8 Ne wòana wòabɔbɔ nɔ bubumewo dome,Eƒe dukɔ ƒe bubumewo dome.
9 Enana konɔ kpɔa aƒe nɔa eme,Eye wòkpɔa dzidzɔ abe viwo dada ene.+
Mikafu Yah!*
Etenuŋɔŋlɔ
^ Alo, “Haleluyah!” “Yah” nye ŋkɔ Yehowa ŋɔŋlɔ kpuie.
^ Alo, “Ame si bɔbɔ nɔ fiazikpui dzi le dziƒo ʋĩi.”
^ Agate ŋu afia, “tso aɖukpo dzi.”
^ Alo, “Haleluyah!” “Yah” nye ŋkɔ Yehowa ŋɔŋlɔ kpuie.
