Psalmowo 19:1-14
Na henɔ la. David ƒe ha.
19 Dziƒowo le Mawu ƒe ŋutikɔkɔe ɖem fia;+Eye dziŋgɔli le gbeƒã ɖem eƒe asinudɔwɔwɔ.+
2 Tso ŋkeke yi ŋkeke wotoa nya,Eye tso zã yi zã woɖea sidzedze ɖe go.
3 Nuƒoƒo aɖeke meɖina o, eye nya aɖeke hã medona o;Womesea gbe aɖeke le wo nu o.
4 Gake wo ŋkɔ ɖina le* anyigba blibo la dzi,Eye woƒe nyawo de anyigba ƒe mlɔenu ke.+
Etu agbadɔ ɖe dziƒo na ɣe;
5 Ele abe ŋugbetɔsrɔ̃ si do tso eƒe xɔ me gbɔna ene;Etsoa aseye abe kalẽtɔ si le du ƒum le eƒe mɔ dzi ene.
6 Edzèna tso dziƒo ƒe go si me,Eye wòzɔna godoo yia eƒe go kemɛ me,+Naneke meɣlana ɖe eƒe dzoxɔxɔ o.
7 Yehowa ƒe se de blibo,+ enana ŋusẽ gaɖoa ame ŋu.*+
Yehowa ƒe ŋkuɖodzinya le eteƒe,+ enana bometsila dzea nunya.+
8 Yehowa ƒe ɖoɖowo dzɔ, wodoa dzidzɔ na dzi;+Yehowa ƒe sedede dza, enana ŋku dzi kɔna.+
9 Yehowa vɔvɔ̃+ dza, eye wònɔa anyi ɖaa.
Yehowa ƒe afiatsotsowo le eteƒe, wo katã wodzɔ.+
10 Asixɔxɔ le wo ŋu wu sika,Wu sika nyuitɔ geɖe;+Eye wovivina wu anyitsi,+ wu anyitsi si le tsyɔtsyɔm tso anyixe me.
11 Woawoe wotsɔ xlɔ̃ nu wò subɔla;+Fetu gã le wo me léle ɖe asi me.+
12 Ame kae ate ŋu akpɔ eya ŋutɔ ƒe vodadawo adze sii?+
Tsɔ nye nu vɔ̃ siwo mewɔ le manyamanya me la kem.
13 Na wò subɔla naƒo asa na ɖokuiŋudzedze;+Mègana wòakpɔ ŋusẽ ɖe dzinye o.+
Ekema manɔ blibo,+Eye vodada gãwo* ƒe fɔɖiɖi manɔ ŋunye o.
14 Na nye numenyawo kple nye dzimesusuwoNadze ŋuwò,+ Oo Yehowa, nye Agakpe+ kple nye Xɔnametɔ.+
Etenuŋɔŋlɔ
^ Agate ŋu afia, “Gake woƒe dzidzeka de.”
^ Alo, “enana luʋɔ gbɔa agbe.”
^ Alo, “vodada geɖe.”
