Psalmowo 97:1-12
97 Yehowa zu Fia!+
Anyigba netso aseye.+
Ƒukpo geɖeawo nekpɔ dzidzɔ.+
2 Alilikpo kple blukɔ ƒo xlãe godoo;+Dzɔdzɔenyenye kple ʋɔnu dzɔdzɔe dɔdrɔ̃e nye eƒe fiazikpuia ƒe gɔmeɖoanyi.+
3 Dzo le bibim le eŋgɔ+Eye wòfiãa eƒe futɔwo katã le akpa sia akpa.+
4 Eƒe dzikedzowo klẽ ɖe xexea me;Anyigba kpɔe, eye wòdzo kpekpekpe.+
5 Towo lólo abe anyixe ene le Yehowa ŋgɔ,+Le anyigba blibo la katã ƒe Aƒetɔ la ŋgɔ.
6 Dziƒowo ɖea gbeƒã eƒe dzɔdzɔenyenye,Eye dukɔwo katã kpɔa eƒe ŋutikɔkɔe.+
7 Ŋu nekpe ame siwo katã subɔa nu kpakpɛwo,+Ame siwo tsɔa mawu maɖinuwo ƒoa adegbee.+
Mi mawuwo katã, mide ta agu nɛ.+
8 Zion see, eye dzi dzɔe;+Yuda duwo* tsoa aseyeLe wò ʋɔnudɔdrɔ̃wo ta, Oo Yehowa.+
9 Elabena Oo Yehowa, wòe nye Dziƒoʋĩtɔ ɖe anyigba blibo la dzi;ȃo mawuwo katã ta sãsãsã.+
10 Oo mi ame siwo lɔ̃a Yehowa, mitsri vɔ̃.+
Ekpɔa ame siwo wɔa nuteƒe nɛ la ƒe agbe* ta;+Eɖea wo tso ame vɔ̃ɖiwo si me.*+
11 Kekeli klẽ na ame dzɔdzɔe la+Eye dzidzɔ yɔ dzi dzɔdzɔetɔwo me.
12 Mi ame dzɔdzɔewo, mikpɔ dzidzɔ ɖe Yehowa ŋu,Eye mida akpe nɛ ɖe eƒe ŋkɔ* kɔkɔe la ta.
Etenuŋɔŋlɔ
^ Egɔmeɖeɖe tẽe, “Yuda vinyɔnuwo.”
^ Alo, “luʋɔ.”
^ Alo, “ame vɔ̃ɖiwo ƒe ŋusẽ si me.”
^ Egɔmeɖeɖe tẽe, “ŋkuɖodzi.”
