Ikọ Greek oro ẹkabarede nte “ufọkabasi” ke ndusụk itie ke Bible isidaha iban̄a ufọk owo, esida aban̄a mbon emi ẹtuakde ibuot ẹnọ Abasi.

 Se uwụtn̄kpọ mi: Ke ini apostle Paul ọkọdọhọde ẹkọm mme Christian ke Rome, enye ama ọdọhọ ẹkọm Aquila ye n̄wan esie Priscilla onyụn̄ ọdọhọ n̄ko ete: “Ẹkọm ufọkabasi emi odude ke ebiet mmọ.” (Rome 16:4, Edisana Ŋwed Abasi Ibom) Paul ikọdọhọke ẹkọm ufọk emi Aquila ye Priscilla ẹdụn̄de. Ikọ esie ọkọwọrọ ete ẹkọm mme owo emi ẹsidụkde Ikọ Abasi ke ufọk mmọ. a

 Ntre, utu ke nnyịn ndidọhọ ke ika ufọkabasi, isidọhọ ke ika “Ufọkmbono Obio Ubọn̄.”

 Kop ntak ifan̄ emi anamde enyịn̄ enye mi ọfọn akan:

•   Itie oro edi ufọk.

•   Isika do ikokpono Jehovah inyụn̄ itie ntiense iban̄a enye. Jehovah edi enyịn̄ Abasi emi ẹtịn̄de ẹban̄a ke Bible.—Psalm 83:18; Isaiah 43:12.

•   Do ke isikpep n̄kpọ iban̄a Obio Ubọn̄ Abasi emi Jesus ekesitịn̄de aban̄a.—Matthew 6:9, 10; 24:14; Luke 4:43.

 Emekeme ndika Ufọkmbono Obio Ubọn̄ ekededi emi ekperede fi man okụt nte Mme Ntiense Jehovah ẹsinịmde Ikọ Abasi mmọ.