Luke emi eketienede ewet Bible ọdọhọ ntem aban̄a mbụk Jesus: “N̄kọtọn̄ọ ke editọn̄ọ ntiene kpukpru n̄kpọ nnennen nnennen.”—Luke 1:3.

 Ndusụk owo ẹdọhọ ke ẹma ẹkpụhọde ndusụk n̄kpọ ke mbụk uwem Jesus emi ẹwetde ke Matthew, Mark, Luke, ye John ke n̄kpọ nte isua 1,700 emi ẹkebede.

 Edi ke n̄kpọ nte isua ikie emi ẹkebede ẹma ẹkụt akpasarade ikpan̄wed gospel John. Ẹkot ikpan̄wed emi Ikpan̄wed Rylands 457 (P⁵²) enye onyụn̄ odu itie ubonn̄wed John Rylands ke Manchester ke England. Se isịnede ke ikpan̄wed emi odu ke John 18:31-33, 37, 38.

 Emi edi mbịghi-n̄kan ke otu n̄kani ikpan̄wed “Obufa Testament” oro ẹdude. Ediwak mme ekpep n̄kpọ mban̄a Bible ẹdọhọ ke ẹkewet ikpan̄wed emi ke isua 125 E.N., oro edi, isua 25 kpọt ẹma ẹkebe tọn̄ọ ẹkewet ata akpasarade esie. Se idude ke ikpan̄wed emi ekpere ndidi ata ukem ye mme ikọ gospel John emi ẹkedide ẹdision̄o ẹwet nte ini akade.