Nti Item Emi Ẹdinamde Oyụhọ ye Se Enyenede
Kpukpru nnyịn imoyom ndikop inemesịt nnyụn̄ nyụhọ ye se inyenede—edide idi nditọwọn̄ m̀mê ikpọ owo, imọdọ ndọ m̀mê idọhọ. Abasi oyom nnyịn iyụhọ ye se inyenede, ntak edi oro enye ọnọde nnyịn nti item emi ẹkemede ndin̄wam nnyịn.
Sịn Idem Nam Utom
“Yak enye anam ọkpọsọn̄ utom, ada ubọk esie anam eti utom, man enye ekpenyene n̄kpọ ndideme nnọ owo eke odude ke unana.”—EPHESUS 4:28.
Abasi ọdọhọ ida utom nte eti n̄kpọ. Ntak-a? Owo emi esisịnde idem anam utom esikop inemesịt sia enye esinyene se adade ese aban̄a idemesie ye ubon esie. Enye akam ekeme ndin̄wam owo emi mînyeneke n̄kpọ. Owo emi adade enye ke utom ayama enye, owo idinyụn̄ isọpke isio enye ke utom. Bible ọdọhọ ke nti utịp emi owo enyenede ke ntak emi enye esịnde idem anam utom edi “enọ Abasi.”—Ecclesiastes 3:13.
Di Owo Akpanikọ
“Nnyịn imenịm ite ke nnyịn imenyene eti ubieresịt, sia nnyịn iyomde ndinam akpanikọ ke kpukpru n̄kpọ.”—MME HEBREW 13:18.
Edieke idide owo akpanikọ, esịt ayana nnyịn sụn̄ iyonyụn̄ ikeme ndide idap ọfọn okoneyo. N̄ko, mme owo ẹyesinịm se itịn̄de ẹnyụn̄ ẹkpono nnyịn. Edi owo emi mîdịghe owo akpanikọ ikemeke ndidia kpukpru ufọn emi. N̄ko, esịt ekeme ndifịna enye, idem onyụn̄ enyek enye sia enye ọdiọn̄ọde ke ẹkeme ndimụm imọ ini ekededi.
Kûda Okụk Nte Kpukpru N̄kpọ
“Ẹkûyak usụn̄ uwem mbufo asan̄a ye ima okụk, edi ẹyụhọ ye se mbufo ẹnyenede.”—MME HEBREW 13:5.
Imoyom okụk man ida idep udia ye mme n̄kpọ eken. Edi ifọnke ‘ndima okụk.’ Owo emi amade okụk ekeme ndida ofụri ini ye odudu esie n̄n̄wana okụk. Emi ekeme ndinam enye okûnyene ini unọ n̄wan ye nditọ esie, onyụn̄ ekeme ndinam enye ọdọn̄ọ. (1 Timothy 6:9, 10) N̄kpọ en̄wen edi ke owo emi amade okụk ekeme ndika n̄kesịn ubọk ke n̄kpọ emi mîfọnke. Bible ọdọhọ ke “owo eke anamde akpanikọ eyenyene ekese edidiọn̄, edi owo eke obụmerede oyom inyene iditreke ndidue.”—Mme N̄ke 28:20.
Yak Abasi Ekpep Fi N̄kpọ
“Kpeme ata ọniọn̄ ye ukeme ukere n̄kpọ.”—MME N̄KE 3:21.
Ufọkn̄wed esikpep owo ndinam n̄kpọ nte owo emi ọdiọn̄ọde idem, onyụn̄ ekeme ndin̄wam owo akabade edi eti ete m̀mê eka. Edi ifiọkn̄wed kpọt ikemeke ndinam inyene kpukpru se iyomde inyụn̄ ikop inemesịt. Edieke iyomde kpukpru se inamde ọwọrọ usụn̄, ana iyak Abasi ekpep nnyịn n̄kpọ. Bible ọdọhọ ke owo emi okopde uyo Abasi ‘oyokụt unen ke kpukpru se enye anamde.’—Psalm 1:1-3.
Ekeme Ndidi Ayama Mmọ Emi N̄ko
ENYỌN̄-UKPEME
Se Akpanamde Man Ọkpọsọn̄ Utom Enenem Fi
Kot man ọfiọk ndusụk se Bible ọdọhọde anam man okop inem utom fo.
ẸDEMEDE!
Ndi Se Enyenede Ndinam Awak Akaha?
Esisọn̄ ediwak owo ndinam ediwak utom oro mmọ ẹnyenede ke itieutom ye ke ufọk. Ntak emi esisọn̄de mmọ ndinam? Nso ke ẹkeme ndinam mban̄a mfịna emi?
ẸDEMEDE!
Se Akpanamde Man Okop Inemesịt—Yụhọ ye Se Enyenede Nyụn̄ Nọ Owo N̄kpọ
Ediwak owo ẹdọhọ ke ndinyene ediwak okụk m̀mê inyene esinam owo okop inemesịt. Edi, ndi okụk ye inyene ẹkeme ndinam owo okop ata inemesịt?
ẸDEMEDE!
Se Isinọde Owo Inemesịt
Ndi se Bible etịn̄de ekeme ndin̄wam fi okop inemesịt? Ibuotikọ emi eneme n̄kpọ inan̄ oro Bible ọdọhọde ke ayanam fi okop inemesịt.
ABAN̄A NNYỊN
Dọhọ Mmọ Ẹdi Ufọk
Se nte Bible ekemede ndibọrọ mbụme fo, mîdịghe kpep n̄kpọ ban̄a Mme Ntiense Jehovah.
