ẸDEMEDE! No. 2 2018 | N̄kpọ 12 Emi Ẹsinamde Ubon Enem
N̄kpọ 12 Emi Ẹsinamde Ubon Enem
Imesiwak ndikop se inamde mfịna odu ke ubon. Edi nso isinam ubon enem?
Ọtọn̄ọde ke 1990 esịm 2015, ibat mbon oro ẹbede isua 50, oro ẹkedian̄arede ndọ ke United States, ama awak utịm ikaba akan nte ekesidide. Ndien ibat mbon oro ẹbede isua 65, emi ẹkedian̄arede ndọ, ama awak utịm ikata akan nte ekesidide.
Mme ete ye eka ifiọkke se ẹkpenamde aba: Ndusụk mbon oro ẹsinọde ubon item ẹdọhọ ẹsitoro nditọwọn̄ kpukpru ini, ndusụk ẹdọhọ yak ẹkama mmọ ke ọkpọsọn̄ ubọk.
Ediwak uyen idiọn̄ọke mme n̄kpọ emi ẹdin̄wamde mmọ ke ini iso.
Kpa ye kpukpru emi, . . .
Ebe ye n̄wan ẹkeme ndikop inem ndọ mmọ, inyụn̄ ikereke-kere ndikpọn̄ kiet eken.
Mme ete ye eka ẹkeme ndikpep nditụnọ nditọ mmọ ke ima.
Mme uyen ẹkeme ndifiọk mme n̄kpọ emi ẹdin̄wamde mmọ ke ini iso.
Didie ke mmọ ẹkeme ndinam emi? Ẹdemede! emi etịn̄ n̄kpọ 12 emi ẹsinamde ubon enem.
1: Ẹkûkpọn̄ Kiet Eken
Akpan n̄kpọ ita emi ẹkeme ndin̄wam ebe ye n̄wan ẹkûkpọn̄ kiet eken.
2: Ẹdiana Kiet Ẹnam N̄kpọ
Ndi odụn̄ ye ebe m̀mê n̄wan fo nte nditọ ufọkn̄wed ẹbuana ubetufọk kiet ẹdụn̄?
3: Ẹkpono Kiet Eken
Kot man ọfiọk nte ekpetịn̄de ikọ onyụn̄ anamde n̄kpọ man ebe m̀mê nwan fo okụt ke omokpono imọ.
4: Ẹfen Ẹnọ Kiet Eken
Nso ikeme ndin̄wam fi odomo ndikụt nti edu oro ebe m̀mê n̄wan fo enyenede utu ke nditak ke ndise ndudue esie?
5: Ẹsineme Nneme
Akpan n̄kpọ ita emi ẹkemede ndin̄wam fi enen̄ede ekpere nditọ fo.
6: Ẹtụnọ Nditọ Mbufo
Ndi ntụnọ esinam eyenọwọn̄ ekere ke imọ iwọrọke n̄kpọ?
7: Ẹkpep Nditọ Mbufo Ido
Nso utọ ido ke ekpekpep eyen fo?
8: Ẹnịm Eti Uwụtn̄kpọ
Edieke oyomde nditọ fo ẹnam se etịn̄de, ana enịm eti uwụtn̄kpọ ọnọ mmọ.
9: Diọn̄ọ Owo Emi Edide
Didie ke mme uyen ẹkeme ndisọn̄ọ nda nnam ẹfiọk se mmọ ẹnịmde ke akpanikọ?
10: Di Owo Akpanikọ
Edieke anamde ete ye eka fo ẹnyene mbuọtidem ke idemfo, oro oyowụt ke ọmọtọn̄ọ ndidiọn̄ọ idem.
11: Sịn Idem Nam Utom
Edieke ekpepde ndisịn idem nnam utom ke ini edide uyen, eyekeme ndinam se ededi ke ini okponde owo.
12: Biere Se Edinamde
Ke ini anamde se akaduakde, eyenyene uko, enyene nti ufan, onyụn̄ enen̄ede okop inemesịt.
N̄kpọ En̄wen Emi Edin̄wamde Ubon
Bible ekeme ndin̄wam fi okop inem ndọ fo onyụn̄ anam ubon fo enem.
