Ndi Ama Ọfiọk?
Ntak emi ọkọfọnde nte Jehovah ekenyịmede nditọ Israel ẹsiwa mbomon̄kuku ye ibiom?
IBET ama enyịme ẹwa mbomon̄kuku ye ibiom ẹnọ Jehovah. Ke mme ibet emi ẹtịn̄de ẹban̄a nte ẹkpewade uwa, ẹma ẹsisiak inuen mbiba emi ẹnyụn̄ ẹnyịme ẹwa ekededi ke otu oro. (Lev. 1:14; 12:8; 14:30) Nso ikanam ọfọn nte Jehovah ekenyịmede ẹda inuen mbiba oro ẹwa uwa? Ntak kiet edi ke mbomon̄kuku ikesidụhe kpukpru ini. Nso ikanam mmọ ẹkûdu kpukpru ini?
Mbomon̄kuku
Mbomon̄kuku ẹsidu ke Israel ke ini ndaeyo. Ke October, mmọ ẹsife ẹka mme idụt emi ẹfiopde, emi ẹdude ke n̄kan̄ usụk usụk Israel ẹnyụn̄ ẹfiak ẹdi Israel ke ini ndaeyo. (Ikwọ Sol. 2:11, 12; Jer. 8:7) Oro ekesinam ọsọn̄ nditọ Israel ke eyo Bible ndinyene mbomon̄kuku ke ini etuep nda n̄wa uwa.
Ibiom emi esidụn̄de ke itiat
Edi ibiom isifehe ika mme idụt en̄wen. Ntre ini ekededi ke isua, mmọ ẹkesisụk ẹdodu. N̄kpọ en̄wen edi ke ẹkesikam ẹbọbọk ibiom. (Men John 2:14, 16 domo.) N̄wed emi ekerede Bible Plants and Animals ọdọhọ ke “ẹma ẹsibọk ibiom ke ofụri obio ye obio-in̄wan̄ emi ẹkedude ke Palestine. Kpukpru mme enyeneufọk ẹma ẹnyene odudu ke ibibene emi mme inuen emi ẹkesidụn̄de.”—Men Isaiah 60:8 domo.
Ibiom ke odudu esie
Jehovah ndikenyịme nditọ Israel ẹwa inuen emi ekesidude kpukpru ini ke isua okowụt ke enye ama mmọ inyụn̄ iyomke mmọ ẹnam n̄kpọ emi ọsọn̄de akan mmọ.
