Bible Ọdọhọ Didie?
Nso idi Armageddon?
Ndusụk owo ẹnịm . . .
ke Armageddon edi ekọn̄ emi ẹdidade okop-odudu bọmb isobo kpukpru owo, m̀mê oto-obot afanikọn̄ emi edibiatde ofụri isọn̄. Afo ekere didie?
Se Bible ọdọhọde
Armageddon edi “ekọn̄ akwa usen Abasi Ata Ọkpọsọn̄,” oro edi, ekọn̄ emi Abasi edin̄wanade ye ndiọi owo.—Ediyarade 16:14, 16.
Nso en̄wen ke Bible ọdọhọ?
Abasi idin̄wanake ekọn̄ Armageddon man osobo isọn̄, edi edin̄wana man osobo mbon oro ẹbiatde isọn̄.—Ediyarade 11:18.
Ekọn̄ Armageddon ayanam kpukpru ekọn̄ ẹtre.—Psalm 46:8, 9.
Ndi mme owo ẹyebọhọ ekọn̄ Armageddon?
Didie ke ọkpọbọrọ?
Ih
Ihih
Ekeme ndidi
Se Bible ọdọhọde
“Akwa otuowo” emi ẹtode kpukpru idụt ẹyebọhọ “akwa ukụt,” ndien akwa ukụt emi editre ke ekọn̄ Armageddon.—Ediyarade 7:9, 14.
Nso en̄wen ke Bible ọdọhọ?
Abasi oyom ata ediwak owo ẹbọhọ Armageddon. Ntre, enye edisobo ndiọi owo emi mîmaha ndikabade esịt kpọt. —Ezekiel 18:32.
Bible etịn̄ se ikpanamde man ibọhọ ekọn̄ Armageddon.—Zephaniah 2:3.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Nso Idi Ekọn̄ Armageddon?
Ikọ oro Armageddon odu itie kiet kpọt ke Bible, edi ẹtịn̄ n̄kpọ ẹban̄a ekọn̄ emi ke ofụri Bible.
