Ke Jesus ama akasua ọnọ mme Pharisee ke ntak emi mmọ ẹsọn̄ọde ẹyịre ke ido edinam mmọ, enye asan̄a ye mme mbet esie adaha. Mmọ ẹka Tyre ye Sidon emi ẹdude ke Phoenicia onyụn̄ oyomde usụn̄ etieti.

Jesus enyene itie emi enye edidude, edi enye iyomke mme owo ẹdiọn̄ọ ke imọ idu do. Edi enye ikemeke ndidịbe. N̄wan Greece kiet emi akamanade ke obio emi edi edikụt Jesus onyụn̄ ọtọn̄ọ ndikpe enye ubọk ete: “Tua mi mbọm, Ọbọn̄, Eyen David. Demon afịna eyen mi an̄wan idiọk idiọk.”—Matthew 15:22; Mark 7:26.

Ke esisịt ini ebede, mbet Jesus ẹdọhọ enye ẹte: “Dọhọ enye ọnyọn̄; koro enye osụk ofioride etiene nnyịn ke edem.” Enye etịn̄ ntak emi enye mîsioroke mma oro uyo ete: “Abasi ikọdọn̄ke mi ntiene owo ekededi ke mîbọhọke mme erọn̄ ufọk Israel emi ẹkesopde usụn̄.” Edi idem imemke mma mbon. Enye edi editọn̄ọ edọn̄ ekpe Jesus ubọk ete: “Ọbọn̄, n̄wam mi!”—Matthew 15:23-25.

Jesus etịn̄ ikọ emi owụtde nte mme Jew ẹsidade mbon obio en̄wen man ese m̀mê mma oro enen̄ede enyene mbuọtidem. Enye ọdọhọ ete: “Inenke ndimen udia nditọ ntop nnọ nditọ ebua.” (Matthew 15:26) Ikọ oro “nditọ ebua,” owụt nte Jesus enen̄erede ama mbon oro mîdịghe mme Jew. Uyo emi enye adade etịn̄ ikọ oro ye nte enye akamade iso owụt ke edi akpanikọ.

Utu ke ndiyat esịt, mma oro ọbọrọ Jesus ete: “Ih, Ọbọn̄; edi nditọ ebua ẹsikam ẹtan̄ n̄ken̄e udia emi ẹdon̄orede ke okpokoro mme eteufọk mmọ ẹduọn̄ọ ẹdia.” Jesus okụt ke enye enyene eti esịt onyụn̄ ọdọhọ enye ete: “O n̄wan, mbuọtidem fo okpon; yak ọwọrọ ọnọ fi kpa nte afo oyomde.” (Matthew 15:27, 28) Idem ọsọn̄ eyen mma oro ọtọn̄ọde ke hour oro okposụkedi emi enye odude ke ufọk! Ke ini mma oro esịmde ufọk, enye okụt eyen esie emi nte anade ke n̄kpana. “Demon ama ọwọrọ enye ke idem,” ndien idem ọsọn̄ enye.—Mark 7:30.

Jesus ye mme mbet esie ẹto Phoenicia ẹbe ofụri edem oro ẹka n̄kan̄ enyọn̄-enyọn̄ Akpa Jordan. Etie nte mmọ ẹbe Akpa Jordan ke enyọn̄-enyọn̄ Inyan̄ Galilee man ẹketo do ẹdụk Decapolis. Mmọ ẹdọk obot kiet do ke Decapolis, edi otuowo ẹyom mmọ ẹkụt. Mmọ ẹda mme mbụn̄ọ, mbon emi ẹbiomode ndo, mme nnan, ye mme imụm ẹsọk enye. Ẹda mme owo emi ẹdinịm Jesus ke ukot ndien enye anam udọn̄ọ okụre kpukpru mmọ. Emi akpa otuowo idem tutu mmọ ẹtoro Abasi Israel.

Jesus anam n̄kpọ isio isio ye ete kiet emi edide inan, mînyụn̄ ikemeke nditịn̄ ikọ ọfọn. Imekere ke ọmọfiọk ke enyene nte etiede ete oro ke idem ndidu ke otuowo. Etie nte Jesus okụt ke idem enyek enye, oro anam Jesus ada enye adaha ọkpọn̄ otuowo. Ke ini mmọ mbiba ẹdude ikpọn̄, Jesus owụt enye se imọ iyomde ndinam. Enye esịn ete oro ubọk ke utọn̄, afiari etap, ada otụk enye edeme. Jesus ndien emenede enyịn ese enyọn̄ onyụn̄ ọdọhọ ete: “Ephphatha,” emi ọwọrọde “Sịrede.” Kpa idahaoro, utọn̄ esịrede ete oro, enye onyụn̄ etịn̄ ikọ ọfọn. Jesus ọdọhọ yak ẹkûtịn̄ se itịbede ẹnọ mme owo, enye oyom mme owo ẹda se mmọ ẹkụtde imọ inamde ye se mmọ ẹkopde nte imọ itịn̄de ẹbuọt idem ke imọ.—Mark 7:32-36.

‘Idem enen̄ede akpa mme owo’ aban̄a utọ odudu emi Jesus enyenede ndikọk mme owo udọn̄ọ. Emi anam mmọ ẹdọhọ: “Enye anam kpukpru n̄kpọ ẹfọn. Enye anam kpa mme inan ẹkop ikọ, imụm ẹnyụn̄ ẹtịn̄ ikọ.”—Mark 7:37.