Zenbat irauten du programak?

Ordubete inguru.

Non izango da?

Jarri harremanetan Jehobaren lekukoekin bertako informazioa jasotzeko.

Ba al dago ordaindu beharreko sarrerarik?

Ez.

Egiten al da diru bilketarik?

Ez.

Nola jantzi beharko lirateke gonbidatuak?

Ekitaldi honetara joateko ez da janzkera zehatzik erabili behar. Hala ere, Bibliako printzipioen arabera apaltasunez eta errespetuz janzten dira Jehobaren lekukoak (1 Timoteori 2:9). Zure janzkera ez da garestia edo formala izan behar.

Nola egiten da Oroitzapena?

Bilera hasteko eta amaitzeko, kanta bat abesten da eta Jehobaren lekuko batek otoitz bat egiten du. Oroitzapenaren atal nagusia hitzaldi bat da. Honetan, Jesusen heriotzaren garrantzia aztertzen da. Gainera, Jainkoak eta Jesu Kristok guregatik egin zutenak nola lagundu ahal digun azaltzen da.

Gehiago jakiteko, irakurri «Zergatik ez dute Jehobaren lekukoek Jaunaren afaria beste erlijioek bezala ospatzen?» artikulua.

Noiz izango dira hurrengo Oroitzapenak?

2025: Apirilak 12, larunbata

2026: Apirilak 2, osteguna