AYÈGÈ 24

Beza be ne béngeles ai dzé ba bò?

VOGOLO A

Yéhova a bele nguma nda bot a yob, nde a yi na bi yem nda bot dzié té. Béngeles ba wogé ai nda bot té. Bibel émen a loé bò na “bòn be Zamba” (Yiob 38:7). Dzé Bibel a yegele bia é tii ai béngeles? Akia afé mimbòen miaba mia namba binying bibot? Ye béngeles bese ba wogé ai nda bot Zamba?

1. Beza ben béngeles be ne?

Yéhova a nga tié béngeles osusua yi na a kom si. Dzam deda ane Zamba, be ne minsisim ai ba nying a yob (Hébréa 1:14). Tò ane be ne bakura bakura, éngeles ase a ne akia dié (Akuli Mam 5:11). Ba bò ‘Yéhova mewog, be vogolo fe king ya ébug dzié’ (Salmen 103:20). Osusua, Yéhova a karege lom béngeles boé abe bebò bisié boé asu yi na be kalen bò mefoé ai na be vòli bò. Melu ma, béngeles ba vòli beyègè be Yésus na be ke ba sòm é bot ba yi na ba yem Zamba.

2. Satan ai bebé minsisim be ne beza?

Béngeles bezing be nga bò Yéhova melò. Éngeles osu a nga kèè ngan ai Zamba “a ne dzoé na Satan nnye a dug si ése” (Akuli Mam 12:9). Mbol a nga be a yi na a dzoé, Satan a nga dug Adam ban Éfa, amvus ye hala a nga tindi béngeles bezing na be tong nyè éngana dzié. Ba loé béngeles beté na “bebé minsisim”. Nde Yéhova a nga tsiren bò a yob, a wòa bò a si é vom ba yanga ndzang kòm (Lang’a Akuli Mam 12:9, 12).

3. Akia afé Satan ai bebé minsisim ba dug bot?

Satan ai bebé minsisim ba dug bot ai mbòen mam memvigi mekia mekia, ngeki ai mezen mese ma bò na bot be bi nkalena ai bò. Mvulna é ne na bot bezing ba belen ai horoscope (mendem mese me tii ai amos abiali), bebig bemvigi, bastrologue (é bot ba bebe mendem ya atitié, nlo dzobo ai ngòn), bekuli mam, mingengang ai mimgbemgbel. Bevòk bezing ba belen ai mezen meté asu yi na be siében. É ba bevòk ba tsog na be ne dzam bare lèè ai é bot be nga wu. Ve Yéhova a ve bia abéndé di na: “Te mia ke yen é ba ba loé bebé minsisim, nge bebig bemvigi” (Lévitikus 19:31). A kili bia mam meté mbol a mvamen ai bia. Satan ai bebé minsisim be ne minzizing mi Zamba ai ba dzeng na ba bò bia abé.

TUENE FAG

Bi tam yen ésié béngeles ba bò éyòng bi ne ékat foé, olam o sòlò éyòng mot a kalen ai Satan ai bebé minsisim ai dzé ya bi ne dzam bò asu yi na bi saala melam maba.

4. Béngeles ba vòli é ba ba dzeng na ba yem Yéhova

Seki béngeles mbò ba bò ékat foé, veda ba vòli é ba ba bò ésié té. Lang’a Akuli Mam 14:6, 7 ai yalen minsili mi tsaa mi:

Amu dzé bia yang’en ai nvòlen béngeles éyòng bia kat foé?
Béngeles be ne vòli na bi toben ai bot bese ba yang’en ai é mbembe foé a ne a Bibel. Ngaa nala a ve wò ngul a nyòl? Asu dzé?

5. Saala nkalena ai bebé minsisim

Satan ai bebé minsisim be ne minzizing mi Yéhova. Asu té, be ne fe minzizing miaan. Lang’a Lukas 9:38-42 ai yalen a nsili hi:

Akia afé bebé minsisim ba dug bot?

Bia yebe ki na bebé minsisim be dug bia. Lang’a Deutérònòm 18:10-12 ai yalen minsili mi tsaa mi:

Mezen mefé bebé minsisim ba belen ai mò asu yi na be bi nkalena zing ai bia ngeki asu yi na be dug bia? Mimbòen miaba mifé mia yené a ngòra dzoé?
Mfaa woé, ye wò yen na a ne susuo na Yéhova a kili bia mam mété mese? Asu dzé?

Bebege VIDÉO ai yalen minsili mi tsaa mi:

VIDÉO: “Bò nkanga a melam me Débelé” (5:02)

Ye wò yen na nkòl be nga tindi mòn Palesa a wò o ne abé ngaa? Asu dzé?
Dzé Palesa a nga kèène bò asu yi na a saala bebé minsisim?

Mimfang bekristen mia saala bebé minsisim. Lang’a Mimbòen mi apostel 19:19 ai 1 Kòrinti 10:21, ai yalen a nsili hi:

Nge o bele dzom zing a ya bò na o kalen ai bebé minsisim, asu dzé a ne ai nfi na o kèène ai dzom té ngeki na o dzigi dzò?

6. Yésus a nga dò Satan ai bebé minsisim

Satan nnye a dzoé bebé minsisim. Ve béngeles be bele ndzoé waba: Yésus. Bibel a loé nyè na Mikael. Ye Mikael a ne ngugul éngeles? Lang’a Akuli Mam 12:7-9 ai yalen minsili mi tsaa mi:

Beza be ne ngul abui? Ye Mikael ai béngeles, ngeki Satan ai bebé minsisim?
Mfaa woé wò yen ya, ye beyègè be Yésus ba yeane mbara Satan ai bebé minsisim?

O ne dzam dang Satan ai bebé minsisim. Lang’a Yakòbus 4:7 ai yalen a nsili hi:

Akia afé bi ne saala melam me Satan?

ABUI BOT DA DZO NA: “Nge mam me mvigi ma yené a bivoé nge a befilm nala o séki abé.”

Amu dzé akia ntsogen té o ne abé?

OBALBAS

Béngeles ba vòli bia. Satan ai bebé minsisim be ne minzizing mi Yéhova, ndò ba belen ai mam me mvigi asu yi na be dug bot.

Dzé bia baala

Akia afé béngeles ba vòli é bot bese ba dzeng na ba yem Zamba?
Dzé Bibel a dzo é bebege Satan ai bebé minsisim?
Asu dzé a ne ai nfi na o nòng ntsigen na wò saala é mam mese me tii ai bebé minsisim?

Ayègè di a man a:

Nsong’en wòmò

Ma yeane sili mamen nge me bele é dzom zing a ya bò na me kalen ai bebé minsisim.

Nsong’en mfe:

Your other goal