Skuulpɔn bi ne magazine a wɔfrɛ no Gaceta kãa dɛ, skuulfo no a wɔkɔr Jehovah Adasefo edwumayɛbea nye tsintsimbea a ɔwɔ Mexico no tsee nkã dɛ nserahwɛ no aboa hɔn ma “woetu enyimhwɛ ase efi hɔn mu.”

Skuulfo no kãa dɛ:

• “Suban pa a yehunii wɔ hɔ no maa hɛn ho boow hɛn . . . obu, enyidzi, pɛryɛ, ahotsew.”

• “Ɔpɛ a nyimpa no wɔ dɛ wɔbɛyɛ edwuma abɔ mu dɛ kuw no yɛ nhwɛdo papa paa a ɔsɛ dɛ yedzi ekyir.”

• “Nna hɔn nyinara dze hɔn adwen esi edwuma no do, naaso nna hɔn enyim yɛ sereserew.”

• “Ekyingye biara nnyi ho dɛ, mbrɛ dɛm tsintsimbea yi hyehyɛ hɔn biribiara pɛpɛɛpɛr no maa hɛn enyi gyei.”

Nna dɛm skuulfo yi fi National School of Library and Archival Sciences a ɔwɔ Mexico City no.

Wɔ nsaase bɛyɛ 100 do no, Jehovah Adasefo nye nkorɔfo kɔ aprɔw wɔ hɔn edwumayɛbea nye tsintsimbea ahorow hɔ a wɔnngye hɔn sika biara. Obiara a ɔpɛ dɛ ɔnye skuulfo ba nserahwɛ wɔ hɛn edwumayɛbea no mu bi no botum enya bea nye ber no ho nsɛm pii wɔ HƐNHO NSƐM > EDWUMAYƐBEA AHOROW NYE NSERAHWƐ ɔfã hɔ. Yɛdze enyigye to nsa frɛ ankorankor nye mbusua ahorow so dɛ wɔmbra nserahwɛ wɔ hɛn edwumayɛbea ahorow no mu.