Afe biara, Jehovah Adasefo a wɔwɔ wiadze yi mu beebiara nye nyimpa mpempem pii a wɔto nsa frɛ hɔn no hyia mu kae Jesus no wu no dɛ mbrɛ ɔhyɛɛ hɔn no. (Luke 22:19) Yenyim dɛ Jesus dze no nkwa too hɔ maa adasamba. Naaso dɛm dwumadzi yi boa hɛn ma yehu mfaso a ɔwɔ dza Jesus yɛe no do. Ɔsan so ma yehu mfaso a Jesus no wu no ma yenya ndɛ nye daakye.​—John 3:16.

 Sɛ ekɔ afe yi Nkaadzi no bi o, sɛ annkɔ bi o, ibesi dɛn enya Jesus n’afɔrbɔ no do mfaso? Jesus kyerɛkyerɛɛ hɛn ndzɛmba etsitsir ebien bi a ɔsɛ dɛ yɛyɛ:

1.  1. Sua Nyankopɔn na Jesus ho adze. Jesus bɔɔ no sor Egya no mpaa dɛ: “Iyi nye onnyiewiei nkwa, dɛ wobohu ɔwo, nokwar Nyame kor no, nye nyia esomaa no, mekyerɛ Jesus Christ.”​—John 17:3.

2.  2. Fa dza isua no bɔ wo bra. Jesus kaa no mpɛn pii dɛ ɔsɛ dɛ yɛdze dza ɔdze kyerɛkyerɛ hɛn no bɔ hɛn bra. Dɛ nhwɛdo no, wɔ ne Bepɔw Do Asɛnka a nkorɔfo nyim no yie no mu no, aber a ɔdze reba n’ewiei no, ɔkamfoo hɔn a ‘wotsie n’asɛm, na wɔyɛ no.’ (Luke 6:46-48) Dɛmara na mber bi so ɔkaa dɛ: “Sɛ hom nyim yinom na hom dzi do a, nhyira aka hom.”​—John 13:17.

 Epɛ dɛ isua Nyankopɔn na Jesus ho adze pii anaa? Aso epɛ afotu a ɔbɔboa wo ma eehu mbrɛ ibesi dze dza isua no abɔ wo bra? Dza odzidzi no yi botum aboa wo.

 Bible adzesua a yɛnye nkorɔfo yɛ a wonntua hwee no aboa nyimpa pii ma woehu dza Bible no kyerɛkyerɛ, nye mbrɛ wobesi dze dza wosua no abɔ hɔn bra.

•   Sɛ epɛ dɛ ihu dɛm nhyehyɛɛ yi ho nsɛm pii a, hwɛ Ma Obi Nye Wo Nsua Bible ɔfa a ɔwɔ jw.org do no.

•   Hwɛ video a wɔato dzin Akɔaba Ba Wo Bible Adzesua Yi Ase, na ibohu mbrɛ Jehovah Adasefo si nye nkorɔfo sua Bible no.

 Dapɛn biara, Jehovah Adasefo hyia mu mprenu wɔ beebi a wohyia mu som. Wɔfrɛ dɛm bea yi Ahendzi Asa. Yɛnye hɛn nuanom bɔ mu sua Bible no, na yesusu mbrɛ yebesi dze dza yesua no abɔ hɛn bra no ho wɔ dɛm nhyiamu ahorow yi ase.

 Obiara botum aba dɛm nhyiamu yi bi; sɛ eyɛ Jehovah Dasefo o, sɛ ennyɛ bi o, ibotum aba bi. Beebi a ewɔ no na ɔbɛkyerɛ dɛ ɔsɛ dɛ ekɔ dɛm nhyiamu yi bi wɔ Ahendzi Asa do, anaa video kɔnferɛns do.

•   Sɛ epɛ dɛ ihu dza ɔkɔ do wɔ hɛn nhyiamu ahorow no ase a, hwɛ video a wɔato dzin Ebɛnadze na Ɔkɔ do wɔ Hɛn Ahendzi Asa Do?

•   Sɛ epɛ dɛ ekɔ asafo nhyiamu bi a ɔbɛn beebi a ewɔ no a, kɔ Jehovah Adasefo Asafo Nhyiamu ɔfa a ɔwɔ jw.org do no, na ibohu asafo nhyiamu bi a ɔbɛn wo.

 Nsɛm ahorow pii nye video ahorow wɔ jw.org do a obotum aboa wo ma eesua pii efi dza Jesus kyerɛkyerɛe no mu. Afei so, obotum aboa wo ma eehu mbrɛ n’afɔrbɔ wu no si som bo fa.

 Dɛ nhwɛdo no, sɛ epɛ dɛ ihu mbrɛ nyimpa mpempem pii botum enya ɔbaakofo no wu do mfaso a, kenkan asɛm a wɔato dzin “Jesus Yɛ Agyenkwa​​—Ebɛnadze Ntsi A?” nye “Why Did Jesus Suffer and Die?” Anaa ibotum ahwɛ video a wɔato dzin Ebɛnadze Ntsi Na Jesus Wui?