Dza Jesus Yɛe

Ebɛnadze Na Yesua Fi Dza Jesus Yɛe No Mu?

2. Binom wɔ hɔ a, ɔkyɛr ansaana woetu asɛmpa no ho anamɔn, ntsi ɔsɛ dɛ yenya hɔnho abotar.

 Suasua Jesus

3. Fa kwan fofor do. Sɛ ahyɛse no ara obi anngye annto mu dɛ obosua Bible no a, mma nnhyɛ no. Ber a ɔsɛ mu no, video nye nsɛm ahorow a ɔka Bible a yɛnye nkorɔfo sua ho asɛm nye mfaso a ɔwɔ do no, fa bi kyerɛ no.

4. Mma mmfa obi nntoto obi ho. Nsatsea nyina nnyɛ pɛr. Ntsi sɛ wo busuanyi bi anaa obi a enye no abɔ nkɔmbɔ pɛn no nntsen noho dɛ obosua Bible no anaa ɔnngye Bible nkyerɛkyerɛ bi nnto mu a, hwehwɛ siantsir a ɔreyɛ dɛm. Asɔr nkyerɛkyerɛ bi a wɔagye ndwow wɔ n’akoma mu ntsi na ɔreyɛ dɛm anaa? Anaa n’ebusuafo anaa n’apaamu hɔfo ntsi na ɔreyɛ dɛm? Ma no ber kakra ma ɔmfa ndwendwen dza aka akyerɛ no no ho, na onhu nokwasɛm a ɔwɔ Bible no mu.

5. Sɛ obi tsie asɛmpa no a, bɔ mpaa ma no. Serɛ Jehovah dɛ ɔmboa wo ma nya nyimpa no ho abotar na hwɛ wo kasaa yie. Afei so, sɛ ihu dɛ nyimpa no nntsen noho wɔ adzesua no ho a, serɛ Jehovah dɛ ɔmboa wo ma hu ber a ɔsɛ dɛ itwa do.—1 Cor. 9:26.