Hɛn Emudzi Mu A Yebokura
Wɔka dɛ yenkura hɛn emudzi mu a ɔkyerɛ dɛn?
Nd 18:23-25; 26:1, 2; 101:2-7; 119:1-3, 80
Bible mu nsɛm a ɔbɔboa wo:
Le 22:17-22—Nna Jehovah hwɛ kwan dɛ Israelfo no dze mbowa a dzɛm biara nnyi ho bɔbɔ afɔr; asɛm “dzɛm biara nnyi ho” no nye Hebrew kasafua a wɔkyerɛ ase “nokwardzi” dzi nsɛ, iyi kyerɛ dɛ nokwar a yedzi ma Jehovah no, ɔnnsɛ dɛ dzɛm biara ba ho
Job 1:1, 4, 5, 8; 2:3—Job n’asetsena mu nsɛm no ma yehu dɛ sɛ obi botum edzi Jehovah nokwar a, ɔsɛ dɛ onya obu kɛse ma no, ofi n’akoma nyinara mu som no, na ɔtwe noho fi ndzɛmba a Jehovah kyir no ho
Ebɛnadze ntsi na ɔsɛ dɛ yedzi Jehovah nokwar?
Nd 7:8, 9; 25:21; 41:12; Mbɛ 10:9; 11:3
Hwɛ Mr 12:30 so
Ebɛnadze na obotum aboa hɛn ma yeekura hɛn emudzi mu?
1Mb 29:17; Mbɛ 2:7
Hwɛ Mbɛ 27:11; 1Jo 5:3 so
Yebesi dɛn abɔ bra a odzi mu na yeekura mu?
Jos 24:14, 15; Nd 101:2-4
Hwɛ De 5:29; Isa 48:17, 18 so
Bible mu nsɛm a ɔbɔboa wo:
Job 31:1-11, 16-33—Job dze n’abrabɔ kyerɛɛ dɛ nna ɔyɛ obi a odzi nokwar. Ɔtwee noho fii ɔbrasɛɛ ho, ɔnye nkorɔfo dzii no yie na odzii hɔn nyi. Nna no som ho tsew, na ɔammfa abosonsɔr na sika enyiber ammforafora no som mu
Da 1:6-21—Ɔwɔ mu dɛ nna hɔn a woetwa Daniel na n’anyɛnkofo baasa no ho ehyia no nnsom Jehovah dze, naaso wɔkɔr do ara dzii Jehovah nokwar wɔ hɔn edziban dzi mu mpo
Sɛ obi dzi mfom akɛse bi mpɛn pii a, obotum asesa n’akwan na ɔakɔ do edzi Jehovah nokwar anaa?
Bible mu nsɛm a ɔbɔboa wo:
1Ah 9:2-5; Nd 78:70-72—Osiandɛ Ɔhen David nuu noho wɔ no bɔn ho ntsi, Jehovah dze kyɛɛ no. Iyi ntsi Jehovah kaa dɛ ɔyɛ obi a odzii nokwar no nkwa nda nyinara
Isa 1:11-18—Jehovah kaa dɛ Israelfo no yɛ nyaatwem na bɔn ahyɛ hɔn ma dze, naaso ɔsan so hyɛɛ hɔn bɔ dɛ sɛ wɔsesa fi hɔn bɔn no ho na wonu hɔnho a, ɔdze bɛkyɛ hɔn koraa
Bi A W'enyi Bɛgye Iyi So Ho
HƐNHO NSƐM
Ma Obi Nye Wo Nsua Bible
Ma wɔnye wo mbɔ Bible mu asɛmbisa bi a ɔkyer w’adwen no ho nkɔmbɔ, anaa sua Jehovah Adasefo ho nsɛm pii.
