Ena ika29 ni Okosita 2024, e vakacaca na cagilaba o Shanshan mai Kagoshima Prefecture, e Japani. Na kaukaua ni cagi e rauta ni 160 na kilomita ena dua na aua. Era vakila na veivanua e Kanto, e Kyushu, kei na yasayasa na Tokai na tau bi ni uca ena loma ni 48 na aua. Na tau bi ni uca qori e sisi kina na qele, waluvu eso na vanua qai vakacacani na gaunisala kei na veivale. E sivia ni le 120 era mavoa ratou qai mate kina e le walu.

• Sega ni dua na tacida e mate

• Mavoa e tolu na dautukutuku

• Vakacacani vakalailai e 245 na vale

• Vakacacani vakalailai e walu na Vale ni Soqoni

• Toso na siga me vakayacori kina eso na soqo ni veiwasewase ena vanua e vakacacani ena vuku ni cagilaba

• Era veivakayaloqaqataki na ivakatawa ni tabacakacaka kei ira na qase ni ivavakoso, era vakarautaka tale ga na ka ni veivuke vei ira na vakaleqai

E dau vakavuna vakalevu na rarawa kei na mosi na kena dau vakacaca na leqa tubukoso, ia eda kunea na vakacegu ni tokoni keda na Kalou o Jiova na ‘dauveivuke kei na dauveivakacegui.’​—Same 86:17.