iVakananumi ni Mate i Jisu
Vakarauwai, Epereli 12, 2025
Vakadua ena veiyabaki keimami dau vakananuma na iVakadinadina i Jiova na mate i Jisu, me vaka e vakarota: “Dou dau cakava qo mo dou vakananumi au kina.”—Luke 22:19.
Keimami sureti iko mo tiko kina.
Taro e Tarogi Wasoma
E vakacava na balavu ni porokaramu?
Ena rauta ni dua na aua.
Ena caka i vei?
Veitaratara kei na dua na iVakadinadina i Jiova mo kila na vanua kei na gauna ena caka kina e nomu yasayasa.
E saumi na icurucuru?
Sega.
E caka na soli?
Sega.
Na isulusulu cava meu dara ena soqo qo?
E sega ni vakarautaki vakamatailalai na idusidusi me baleta na isulusulu, ia keimami muria na iVakadinadina i Jiova na ivakasala ena iVolatabu, ya me keimami dara na isulu e rakorako, e veidokai tale ga. (1 Timoci 2:9) E sega ni gadrevi sara na isulu e saulevu.
Na cava e dau caka ena iVakananumi?
Ena tekivu qai tini na porokaramu ena sere, ena masu tale ga e dua na qase ni ivavakoso ni iVakadinadina i Jiova. Na inaki bibi ni soqo qo, ya meda rogoca na ivunau e vakabibitaka na mate i Jisu, kei na sala e yaga kina vei keda na ka rau cakava na Kalou kei Karisito.
Mo kila e levu tale na ka, raica na ulutaga “Cava e Duidui Kina Nodra Vakananuma na iVakayakavi ni Turaga na iVakadinadina i Jiova kei na so Tale na Lotu?”
Gauna cava ena vakayacori kina na iVakananumi?
2025: Vakarauwai, Epereli 12
2026: Lotulevu, Epereli 2
Rawa ni o Wilika Tale ga
IVAKANANUMI
Vakananuma na Mate i Jisu
Keimami sureti kemuni moni tomani keimami ena soqo bibi qo. O na vulica kina na yaga ni bula i Jisu kei na nona mate ena vukumu.
ESSENTIAL BIBLE TEACHINGS
Na Cava a Mate Kina o Jisu?
E raica vakabibi na iVolatabu na mate i Jisu. Vakacava, e tiko na inaki ni nona mate?