Era Vakabauta na iVakadinadina i Jiova na Veiyalayalati Makawa?
Io. Keimami vakabauta na iVakadinadina i Jiova ni ‘vakavuna na Kalou na iVolatabu kece.’ (2 Timoci 3:16) Qo e wili kina na Veiyalayalati Makawa kei na Veiyalayalati Vou. Keimami dau vakatoka na Veiyalayalati Makawa me iVolatabu vakaIperiu, kei na Veiyalayalati Vou me iVolatabu vaKirisi vaKarisito. Ena sala qori, e sega ni raici kina me makawa e dua na ivola ena iVolatabu.
Na cava e bibi kina na Veiyalayalati Makawa kei na Veiyalayalati Vou vei ira na lotu vaKarisito?
E vola na yapositolo o Paula ena veidusimaki ni yalo tabu: “Na ka kece e volai e liu e volai meda vakavulici kina.” (Roma 15:4) E levu sara na itukutuku e tu ena iVolatabu vakaIperiu. Era volai tu kina na itukutuku makawa kei na ivakasala yaga.
iTukutuku makawa. Na iVolatabu vakaIperiu e volatukutukutaki kina na nona tekivu bulibuli na Kalou kei na ivalavala ca ni kawatamata. Keda sega ni kila qori, eda na sega ni lomavakacegu, eda na lomatarotarotaka: Eda vu mai vei? Cava eda mate kina? (Vakatekivu 2:7, 17) Kena ikuri, e volatukutukutaki kina na veika e cakava na Kalou ena vukudra na nona tamata nira vakila na dredre se na marau.—Jemesa 5:17.
iVakasala yaga. E lewe ni iVolatabu vakaIperiu na Vosa Vakaibalebale kei na Dauvunau, e levu kina na ivakasala yaga kei na ivakavuvuli vuku. E tu kina na ivakasala me marau kina na vuvale (Vosa Vakaibalebale 15:17), na rai donu me baleta na cakacaka saumi (Vosa Vakaibalebale 10:4; Dauvunau 4:6), kei na sala mera marautaka kina na itabagone nodra bula. (Dauvunau 11:9–12:1).
Kena ikuri, ena yaga na noda vulica na Lawa a soli vei Mosese e volai ena imatai ni lima na ivola ena iVolatabu. Eda sega ni vauci na lotu vaKarisito ena Lawa qori, ia era tu kina na ivakavuvuli yaga e rawa nida marautaka kina na bula.—Vunau ni Soro 19:18; Vakarua 6:5-7.
Rawa ni o Wilika Tale ga
SAUMI NA TARO VAKAIVOLATABU
Cava na iVunau e Tini ni Kalou?
A soli vei cei? E dodonu mera muria voleka na lotu vaKarisito?
SAUMI NA TARO VAKAIVOLATABU
E Vola o Mosese na iVolatabu?
A vakaitavi o Mosese ena kena volai na iVolatabu. Era le vica tale na vola na iVolatabu?
ESSENTIAL BIBLE TEACHINGS
O Cei e Vakavuna na iVolatabu?
Ke vola ga na tamata, e rawa ni vakatokai me Vosa ni Kalou? Na rai nei cei e tiko ena iVolatabu?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.