E sega ni ka vou nida vaqaqa na vuna eda mate kina, vakabibi ni mate e dua na wekada voleka. E kaya na iVolatabu: “Na bati gaga ni mate na ivalavala ca.”​—1 Korinica 15:56.

Cava eda ivalavala ca kina qai mate?

 Rau mate na imatai ni tamata, o Atama kei Ivi, ni rau ivalavala ca vua na Kalou. (Vakatekivu 3:17-19) Na mate e isau ni talaidredre vua na Kalou, ni o koya ga na “ivurevure ni bula.”​—Same 36:9; Vakatekivu 2:17.

 Era vakila tale ga na kawa i Atama na ivalavala ca. E kaya na iVolatabu: “Ena vuku ni dua ga tamata e curu kina i vuravura na ivalavala ca, kei na mate ena vuku ni valavala ca, mani dewa na mate vei ira na tamata kece ga ni sa valavala ca na tamata kece ga.” (Roma 5:12) Era mate na tamata nira ivalavala ca.​—Roma 3:23.

Sa na oti na mate

 E yalataka na Kalou ni yaco na gauna “ena tiloma vakadua o koya na mate.” (Aisea 25:8) Me vakaoti o mate ena vinakati me bokoci na ivalavala ca. Ena cakava qo na Kalou ena vuku i Jisu Karisito, o koya ena “kauta tani na nodra ivalavala ca na kai vuravura.”​—Joni 1:29; 1 Joni 1:7.