E dua na sasalu ni waitui na sucuwalu, e kune vakalevu ena botonisauloa kei na cakau. Na kuli ni yagodra e rawa ni malumu, varovaroa se codro. E vaka na drega na kena malumu, e rawa tale ga ni kaukaua sara. Na kena malumu e rawa mada ga nira curuma na laqalaqa ni veivatu, era na vakaukauataka tale ga na yagodra me kua ni laudre tani. E vakatau sara tiko ga nodra bula ena vakatubuqoroqoro ni kulidra.

 Vakasamataka mada: Na kuli ni sucuwalu e rawa ni kaukaua, malumu vakarauta, se malumu sivia. E vakavuna qori na nave somidi e tiko ena sela ni kulidra. Ena vakayagataka na ivakabulabula ni yagodra (protein) me kaukaua se malumu kina.

 Na ivakabulabula ni yago qori e vakaukauataka qai semata na sela ni kulidra me wabibiri kina. E rawa tale ga ni vakamalumalumutaka nodra sela me malumu kina. Ni malumu sivia tale, na kena irairai e rawa sara ga ni nanumi ni sa waicala tu.

 Era sa vakatotomuria tiko na saenitisi na ka e rawa ni cakava na kuli ni sucuwalu. Era via buli tiko e dua na iyaya vakalivaliva me vakayagataki ni sele na mona, oya me kaukaua qai donu vinaka na vanua me cakacaka kina, me vakamalumutaka tale ga. Ke sa rawa ni cakava ruarua qori, ena vakayacori vinaka na veisele.

 Cava o nanuma? E bula vakaidewadewa se buli na kuli ni sucuwalu?