Aisea 30:1-33
30 “Era rarawa na gone dau be,”+ e kaya o Jiova“Era muria ga na nodra lalawa, sega ni noqu.+
Era duavata,* ia sega ena yaloquMera kuria na ivalavala ca ena ivalavala ca.
2 Era lako sobu i Ijipita+ nira sega ni tarogi au,+Mera lai vakaruru ena veitaqomaki* i FeroMera vuni ena yaloyalo kei Ijipita!
3 Ia oni na maduataka na veitaqomaki i Fero,Kei na vakaruru ena yaloyalo kei Ijipita oni na velavela kina.+
4 Nira tiko mai Soani na nona turaga,+Era sa yaco i Anesi na nona mata.
5 Ena vakamaduataki ira keceNa mataqali e sega na betedra vei iraEra sega ni veivuke, era sega ni yagaEra madua ga, era beci.”+
6 Na itukutuku bibi me baleti ira na manumanu ena ceva:
Ena vanua ni rarawa kei na veika dredre,Na laione kei na laione dau tagi,Na gata batigaga kei na gata vuka gaga,*Era vakavodoka na nodra iyau ena daku ni asa,Kei na nodra iyaya ena daku ni kameli.
Ia na ka qori ena sega ni yaga vei ira na tamata.
7 Ni sega sara ni yaga na veivuke nei Ijipita,+Ia au vakayacani koya qo: “Reapi,+ e dabe tu vakadua.”
8 “Mo lako, mo vola ena dua na papa nira rai tuMo vola ena dua na ivola,+Me yaga ena gauna se bera maiMe ivakadinadina tudei.+
9 Nira tamata talaidredre,+ era gone dau lawaki,+Na gone era bese ni rogoca na lawa* i Jiova.+
10 Era kaya vei ira na dauraivotu, ‘Moni kua ni raivotu tiko,’
Vei ira na parofita, ‘Moni kua ni parofisaitaka vei keimami na ka dina.+
Ni tukuna na ka keimami taleitaka, ni parofisaitaka ga na ka e veivakacalai.+
11 Moni gole tani mai na sala, moni vakatikitiki mai gaunisalaMoni kua tale ni biuta e mata i keimami na Yalosavasava ni Isireli.’”+
12 Ia qo na ka e kaya na Yalosavasava ni Isireli:
“Ni oni cata na vosa qo+
Oni nuitaka na veidabui kei na lawakiOni vakararavi kina,+
13 O koya gona na cala qo ena vaka na bai sa kabasu vei kemuniMe vaka na bai cecere sa vakalakala ni voleka ni lutuEna lutu vakasauri, ena totolo ga.
14 Ena vorolaki me vaka na saqa levu ni dautulituliEna vorolaki vakadua me kua ni vo e dua na kena ivorovoroMe kau mai kina na qilaiso e matadravuSe taki mai kina na wai ena vanua lolobo.”*
15 Qo na ka e tukuna na Turaga Cecere Duadua o Jiova, na Yalosavasava ni Isireli:
“Ni oni lesu mai vei au moni tiko vakadua, oni na vakabulai kina.
Oni na kaukaua ke oni tiko vakacegu, oni vakanuinui tiko.”+
Ia oni sega ni vinakata.+
16 Oni kaya: “Sega, keimami na dro ena ose!”
Oni na dro kina.
“Keimami na vodoka na ose totolo!”+
Ia era na totolo o ira na cicimuri kemuni.+
17 Era na sautaninini e duanaudolu ni veivakarerei e dua,+Ni ratou veivakarerei e lima oni na droMe vo vei kemuni na ka e vaka na ivana ena dela ni ulunivanua,Me vaka na kaunikuila ena delana.+
18 Ia e wawa tiko ga ena vosota o Jiova me yalovinaka vei kemuni,+Ena tu vakarau o koya me lomani kemuni.+
Ni Kalou lewadodonu o Jiova.+
Era marau o ira kece na waraki koya tiko.+
19 O na sega ni tagi+ nira na vakaitikotiko na tamata e Saioni, oya e Jerusalemi.+ Ena lomani iko o koya ni rogoca na nomu tagi ni kere veivuke, ena sauma ena gauna ga e rogoca kina.+
20 Ena solia vei kemuni o Jiova na madrai ni rarawa kei na wai ni veivakasaurarataki,+ ena sega ni vunitaki koya tale na nomuni Dauniveivakavulici Levu, oni na raica e matamuni na nomuni Dauniveivakavulici Levu.+
21 Ena rogoca na daligamuni e dua na vosa mai dakumuni e kaya tiko, “Qo na sala.+ Moni lako kina,” ni oni lako ina imatau se oni lako ina imawi.+
22 Oni na vakacacana na iboro siliva ni nomuni ivakatakarakara ceuti kei na iboro koula ni nomuni matakau kaukamea.+ Oni na biu tani me vaka na isulu ni matenivula, oni na kaya vei ira: “Moni lako!”*+
23 Ena vakatauca na uca ena sorenikau o tea ena qele,+ na madrai e vuataka na qele ena levu qai urouro.+ Ena siga oya era na kana na nomu manumanu ena veico rabailevu.+
24 Na bulumakau kei na asa era siviyara ena qele era na kania na kena na manumanu e wakivata kei na totowiwi e vakasavasavataki ena isivi kei na mataiva.
25 Ena tu ena ulunivanua cecere kece kei na veidelana cere kece na uciwai lalai kei na ikeli wai,+ ena siga era mate kina e levu ni bale na valececere.
26 Na rarama ni vula levu ena vaka na rarama ni matanisiga, ena vakavitutaki na rarama ni matanisiga+ me tautauvata kei na rarama ni vitu na siga, ena siga e vadretitaka kina o Jiova na nodra mavoa* na nona tamata,+ me vakabula na we ni kuita e kuitalaki ira kina.+
27 Raica! Na yaca i Jiova e lako tiko mai vakayawa,E cudru katakata qai salavata mai na o vavaku.
E cudru vakalevu na tebenigusuna,E vaka na bukawaqa na yamena.+
28 Na nona icegu e vaka na kui ni uciwai e yaco sara i domodra,Me kuretaki ira na veimatanitu ena vulo ni veivakarusai.*
Ena varaeletaki na galegaledra+ na lewe ni veivanua mera lako sese kina.
29 Ia na nomuni sere ena vaka na sere e lagati ena bogiNi oni vakavakarau ina soqo,+Ena marau na lomamuni me vaka e duaE lako tiko ni* vakabitunivakatagiMe lako ina ulunivanua i Jiova vua na Uluvatu ni Isireli.+
30 Ena vakarogoya o Jiova na totoka ni domona,+Ena vakaraitaka na ligana+ ni biuta sobu ena cudru waqawaqa,+Ena yameyame ni bukawaqa,+Ena bisa ni uca+ kei na kurukuru, kei na ucaqereqere.+
31 Ni rogo na domo i Jiova, ena vakarerei Asiria,+Ena mokuti koya ena ititoko.+
32 Na kuita kece ni veivunauciE tauca o Jiova vei AsiriaEna salavata kei na tibereli kei na api+
Ni wiricaka na ligana vei ira ena ivalu.+
33 Ni sa vakarautaki oti tu na nona Tofeci,*+
E vakarautaki tale ga me baleta na tui.+
E titobu qai rabailevu na vanua e binia kina na buka,E levu sara na bukawaqa kei na buka.
Na icegu i Jiova e vaka na sulifure e dave tuEna vakama.
iVakamacala e ra
^ Ipe., “livia na isoro,” dusia na veiyalayalati.
^ Ipe., “koro kaukaua nei Fero.”
^ Se “na gata poisoni dau coka.”
^ Se “ivakavuvuli.”
^ Se rawa ni, “mataniwai.”
^ Se rawa ni, “kacivi ira duka.”
^ Se “ramusu.”
^ Ipe., “vulo tawayaga.”
^ Se “ni rogoca na rorogo ni.”
^ O “Tofeci” e vakaibalebaletaka eke na vanua e caudre tu kina na buka, e dusia na veivakarusai.
