Aisea 55:1-13
55 Moni lako mai o kemuni kece na karamaca,+ moni lako mai ina wai!+
O kemuni na sega ni vakailavo, moni lako mai, moni volivoli moni kana!
Io moni lako mai, moni volia na waini kei na sucu,+ sega ena ilavo se na ivoli.+
2 Na cava oni vakayagataka kina na ilavo ena ka e sega ni madraiKei na kemuni isau* ena ka oni sega ni mamau kina?
Moni vakarorogo sara vei au, moni kania na ka vinaka,+Oni na marautaka vakalevu na ka uro.+
3 Moni vakatudaliga moni lako mai vei au.+
Moni vakarorogo, oni na bula kinaAu na makutu meu veiyalayalati kei kemuni ena veiyalayalati tawamudu+
Me salavata kei na dei ni noqu loloma vei Tevita, e dau dina.*+
4 Raica! Au lesi koya me ivakadinadina+ vei ira na veimatanitu,Me nodra iliuliu+ kei na nodra turaga+ na veimatanitu.
5 Raica! O na kaciva e dua na matanitu o sega ni kilaKei na lewe ni matanitu era sega ni kilai iko, era na cici yani vei ikoEna vuku i Jiova na nomu Kalou,+ na Yalosavasava ni IsireliNi na vakalagilagi iko o koya.+
6 Moni vaqarai Jiova ni se kune rawa.+
Ni masuti koya ni se voleka tiko.+
7 Me biuta mada na nona itovo na tamata ca,+Kei na nona vakanananu na tamata ivakarau caMe lesu vei Jiova ni na lomani koya,+Vua na noda Kalou, ni na veivosoti vakalevu* o koya.+
8 “Ni duatani na noqu vakanananu mai na nomuni vakanananu,+Kei na nomuni ivalavala mai na noqu ivalavala,” e kaya o Jiova.
9 “Me vaka na cecere ni lomalagi mai na vuravuraE cecere vaka kina na noqu ivalavala mai na nomuni ivalavalaKei na noqu vakanananu mai na nomuni vakanananu.+
10 Me vaka na tau ni uca kei na ucacevata mai lomalagiQai sega ni lesu tale kina, ena vakasuasuataka mada na qele me tubu, me vuaMe vuataka na sorenikau vua e tea kei na madrai vua e kania
11 Ena vaka kina na noqu vosa e lako mai gusuqu,+Ena sega ni lesu wale vei au,+Ia ena vakayacora na ka ga au vinakata,*+
Ena yaco dina na ka au tala kina.
12 Oni na lako yani ena marau,+Oni na kau lesu mai ena vakacegu.+
Na veiulunivanua kei na veidelana ena kaila ena marau e matamuni,+Kei na kau ni vanua era na vakasausau kece e ligadra.+
13 Ena tubu mai na vunijunipa me isosomi ni kau vakavotona,+Ena tubu mai na vunimateli me isosomi ni salato.
Ena rogo kina na yaca i Jiova,+Me kena ivakatakilakila tudei, ena sega ni oti rawa.”
iVakamacala e ra
^ Se “na ilavo bunoci.”
^ Se “nuitaki.”
^ Se “veivosoti totolo.”
^ Se “na noqu inaki.”
