Same 60:1-12
Vua na dairekita, vakarautaki ina “Lili ni Veivakadreti.” Na same i Tevita. Mikitami.* Me veivakavulici. Ni valuti Arame-naremi kei Arame-sopa qai lesu mai o Joapi ni ravuta e 12,000 na kai Itomi ena Buca ni Masima.+
60 Kemuni na Kalou, oni sa cati keimami, oni sa basuka na neimami itataqomaki.+
Oni cudruvi keimami, ia qo moni ciqomi keimami tale!
2 Oni vakavuna me sakure na vuravura, oni wasea me tadola.
Ni vakavinakataka na veitikina e kakaca ni lutu tiko.
3 Oni vakavuna mera vakila na ka dredre na nomuni tamata.
Oni vakavuna me keimami taceba ena waini keimami gunuva.+
4 Solia* e dua na sikinala vei ira na rerevaki kemuni tikoMera dro qai levea na dakaititi. (Sela)
5 Me vakabulai kina o ira oni lomana,Vakabulai keimami ena ligamuni imatau qai rogoci keimami.+
6 Sa vosa na Kalou ena nona savasava:*
“Au na reki, au na soli Sikemi yani me ivotavota,+Au na vakarautaka na Buca* o Sukoci.+
7 O Kiliati e noqu, o Manasa tale ga,+O Ifireimi na isala* ni uluqu,O Juta e noqu ititoko vakaturaga.+
8 O Moapi e noqu beseni ni savasava.+
Au na viritaka e Itomi na noqu ivava.+
Au na kaila ena qaqa e Filisitia.+
9 O cei ena kauti au ina koro e viribaiti* tu?
O cei ena liutaki au sara i Itomi?+
10 Sega ni o kemuni ga, na Kalou, oni sa cati keimami,Na neimami Kalou, sa sega ni lakovata kei na neimami mataivalu?+
11 Ni vukei keimami ena neimami leqa,Ni sega na betena na veivakabulai vakatamata.+
12 Eda na rawata na kaukaua ena vuku ni Kalou,+Ena qai butuki ira na keda meca o koya.+
iVakamacala e ra
^ Raica na iVakamacala ni Vosa.
^ Se rawa ni, “Oni sa solia.”
^ Se rawa ni, “nona vanua tabu.”
^ Se “na Vanua Lolovira.”
^ Ipe., “idrodro.”
^ Se rawa ni, “e taqomaki vinaka.”
