SALA MEDA VALUTA KINA NA YALO NI VEICATI
2 | Kua ni Sauma na Ca
iVakavuvuli Vakaivolatabu:
“Kua ni sauma na ca e caka vei kemuni. . . . Ke rawa, saga moni veiyaloni kei ira na tamata kece. . . . ni kua ni sauma na ca e caka vei kemuni, . . . ni volai: ‘“E noqu na veisausaumi, au na sauma,” e kaya o Jiova.’”—ROMA 12:17-19.
Kena iBalebale:
Eda dau cudru ke dua e vakacudrui keda. Ia e sega ni vinakata na Kalou meda sauma na ca e caka vei keda. E uqeti keda ga meda waraki koya, me qai vakadodonutaka na ka kece.—Same 37:7, 10.
Ka o Rawa ni Cakava:
Ke da sauma na ca e caka vei keda, ena vakavuna ga e levu na veicati. Ke dua gona e vakacudrui iko se vaka vu leqa, kua ni sauma lesu. Tovolea mo tauri iko vakamalua, qai sauma ena yalovinaka. Eso na gauna ena vinaka mo guilecava ga na ka e yaco. (Vosa Vakaibalebale 19:11) Ia eso tale na gauna, e ka vakayalomatua mo ripotetaka. Kena ivakaraitaki, ke caka vei iko e dua na ka e okati me basulawa, rawa ni o ripotetaka vei ira na ovisa se vakailesilesi.
E veivakaleqai na yalo ni veicati
Vakacava ke o sa cakava oti kece na ka o rawata mo walia kina ena sala malumu, ia o se cati tiko ga? Kua ga ni sauma na ca e caka vei iko. Na vuna? Ena sega ni yaco kina e levu na leqa. Ni o sega ni sauma lesu, o sa valuta kina na yalo ni veicati. Mo nuitaka ga na veidusimaki ni Kalou me wali kina na ituvaki qori. E kaya na iVolatabu: “Vakararavi vua, ena qai yavala ena vukumu o koya.”—Same 37:3-5.
Rawa ni o Wilika Tale ga
E VEISAUTAKA NA BULA NA IVOLATABU
Au Via Tarova na Veika Tawadodonu
E lewena o Rafika e dua na ilawalawa era via tarova na veika tawadodonu. Ia sa qai vulica ena iVolatabu ni na kauta mai na vakacegu kei na lewadodonu na Matanitu ni Kalou.
E VEISAUTAKA NA BULA NA IVOLATABU
E Rawa ni Roboti Vuravura na Loloma e Dei?
E ka ni sasaga toka me kua na veivakaduiduitaki. Ia raica mada nodrau veiyaloni e dua na Jiu, kei na dua na turaga ni Palesitaina.
SAUMI NA TARO VAKAIVOLATABU
Cava e Kaya na iVolatabu me Baleta na Veisausaumitaki ni Ca?
Na ivakasala ena iVolatabu e sa vukei ira e levu mera kua ni veisausaumitaka na ca.
