Semasema na iVakavuvuli Lasu

“NI QARAUNA,” a vola na yapositolo o Paula vei ira na lotu vaKarisito era bula ena veimama ni imatai ni senitiuri S.K. Na cava e vakasalataki ira kina? “De dua e tagavi kemuni bulabula ena vuku vakavuravura kei na vosa ni veicavilaki e yavutaki ena ivakavuvuli vakatamata.”​—Kolosa 2:8.

A sega ni muri na ivakasala ya i Paula. Me tekivu ena veimama ni ikarua ni senitiuri S.K., sa ra muria eso na lotu vaKarisito na ivakavuvuli era yavutaka kina na vuku ena gauna makawa na ka era vakabauta. Cava na vuna? Era vinakata mera taleitaki vei ira na tamata vuli ena vanua era qali e Roma, mera veisautaka tale ga kina na nodra lotu e levu.

E vakabauta o Justin Martyr, e dua vei ira na lotu vaKarisito kilai tani duadua, ni Matanivanua ni Kalou a vakatakilai koya vei ira na vuku ni Kirisi ni se vo tu e dua na gauna balavu me basika o Jisu. E tukuna o Justin kei ira nona itokani, ni taleitaki vakalevu na nodra vuku kei na ivakavuvuli ni lotu.

E levu sara era tavuki ina lotu vaKarisito a tauyavutaka o Justin Martyr. Ia na kena vakabauti e dua na ivakavuvuli e vakavuna me buli eso tale, ra basika sara kina na ivakavuvuli sa vakabauti levu tu nikua me ivakavuvuli vaKarisito. Ena vakavotui na ivakavuvuli qo ke raici vata na ka era tukuna eso na ivola kei na ka dina ena iVolatabu.

[iYaloyalo ena tabana e 21]

Tevoro: Barrators​—Giampolo/The Doré Illustrations For Dante’s Divine Comedy/Dover Publications Inc.; agilosi: Art Resource, NY; trinity relief: Museo Bardini, Florence