1. Lítið upp móti ský,

har er fjall Jehova Guds,

grundfest á fjallatindum

hátt á heilagum stað.

Fólk úr allari verð

gerast ferðabúgvin nú,

rópa so hvørt til annað:

’Kom, tæn Gudi í dag!’

Púra greitt er tað sagt,

at hin minsti skal verða til tjóð!

Her og nú savnast fólk,

læra rættferðar leiðir og lóg.

Milliónir á ferð

streyma til hin sanna Gud;

honum, ið øllum valdar,

tæna fólkini glað.

 2. Jesus gav okkum boð:

’Farið út og sigið frá,

talið um friðarríkið,

berið boð út í verð.’

Hann er kongurin har,

býður okkum fylgja sær

– eyðmjúk úr øllum ættum

eru longu á ferð.

Ovurglað eru vit,

nú so nógv leggjast til dag um dag,

ja, og øll vitna fús

fyri fólki av ymiskum slag.

’Komið niðan í dag

á Guds fjall,’ vit rópa glað,

’berið Jehova heiður,

vís í orði og gerð.’