Hwenu e Jezu ɖo ayǐkúngban jí é ɔ, é yí wǎn nú gbɛtɔ́ lɛ́, káká bo tlɛ sɔ́ gbɛ tɔn dó sá vɔ̌ dó ta yětɔn mɛ. (Matíe 20:28; Jaan 15:13) Malínmálín mɛ din ɔ, é ná lɛ́ ɖe wǎn e é yí nú gbɛtɔ́ lɛ́ é xlɛ́. Lěe é ná wa mɔ̌ gbɔn é wɛ nyí ɖɔ, ɖó é wɛ nyí Axɔ́sú nú Axɔ́súɖuto Mawu tɔn wútu ɔ, é ná zán acɛ énɛ́ dó “sú ahwan kún dó gbɔn gbɛ ɔ bǐ mɛ.”—Ðɛhan 46:10.

 Ð’ayi lěe Biblu tínmɛ nǔ e Jezu ná wa lɛ́ é gbɔn é wú:

•   “É ná hwlɛ́n wamamɔnɔ e ɖo xó sú wɛ ɔ, bo ná hwlɛ́n lelenɔ e ma ɖó ɖɔxátɔ́ ɖě ǎ é. É ná kú nǔbláwǔ nú mɛ e ma ɖó hlɔ̌nhlɔ́n ɖé ǎ lɛ́ kpó gbɛ̌dónánɔ lɛ́ kpó; é ná hwlɛ́n wamamɔnɔ lɛ́ sín gbɛ gán. É ná yí yě sín mɛ e nɔ kpa acɛ gannaganna lɛ́ kpó dǎkaxotɔ́ lɛ́ kpó sí.”—Ðɛhan 72:12-14.

 Nɛ̌ mǐ ka sixú ɖe xlɛ́ ɖɔ nǔ e Jezu wa nǔ mǐ é kpó nǔ e wa nú mǐ gbé é ja lɛ́ é kpó su nukún mǐtɔn mɛ gbɔn? Ðo Luki 22:19 mɛ ɔ, Jezu ɖɔ nú ahwanvú tɔn lɛ́ ɖɔ yě ní nɔ flín kú émítɔn. Énɛ́ wú wɛ, ɖo xwe ɖokpó ɖokpó mɛ ɖo xwekpéxwenu kú Jezu tɔn tɔn ɔ, Kúnnuɖetɔ́ Jexóva tɔn lɛ́ nɔ kplé ɖó kpɔ́. Mǐ ylɔ́ we ɖɔ a ní wá gɔ́ nú mǐ hwenu e mǐ ná bló kú Jezu tɔn flínflín sín nǔwiwa é, ɖo dimanche 24 mars 2024.

Mɔ fí e è ná flín kú Jezu tɔn ɖe é ɖé