Biblu ɔ, wɛn Mawu tɔn, alǒ xó tɔn wɛ ɖ’é mɛ, bɔ mǐ sixú ɖu vǐví tɔn égbé. É xlɛ́ mǐ lěe mǐ sixú zán gbɛ mǐtɔn gbɔn b’ɛ ná kpa mǐ é, kpó lěe mǐ sixú wa gbɔn bɔ nǔ mǐtɔn ná nyɔ́ Mawu nukúnmɛ é kpó. É lɛ́ ná xósin nú nǔkanbyɔ́ élɔ́ lɛ́:

Wěma kpɛví kpɛví 66 wɛ ɖo Biblu ɔ mɛ. È má yě ɖó akpáxwé we: Nǔwlánwlán mímɛ́ Ebléegbe tɔn lɛ́ (“Alɛnuwéma xóxó”) kpó Nǔwlánwlán mímɛ́ Glɛ̌kigbe tɔn lɛ́ (“Alɛnuwéma yɔ̌yɔ́”) kpó. Wěma 27 wɛ kplé bo nyí Nǔwlánwlán mímɛ́ Glɛ̌kigbe tɔn lɛ́, bɔ é bɛ́sín gbɛzán Jezu Klísu tɔn sín tan jí. È má wěma Biblu tɔn lɛ́ ɖokpó ɖokpó, bɔ yě ɖó wěmata lɛ́ kpó wěmafɔ lɛ́ kpó. Ényí è ɖɔ wěmafɔ ɖé ɔ, kɛ́n ­nukɔntɔn e bɔ dó wěma ɔ sín nyǐkɔ wú é nɔ dó gesí wěmata ɔ, bɔ kɛ́n e bɔ d’é wú é, alǒ éé bɔ d’é wú lɛ́ é nɔ dó gesí wěmafɔ ɔ alǒ wěmafɔ lɛ́. Ði kpɔ́ndéwú ɔ, Matíe 1:1 sín tínmɛ wɛ nyí Matíe wěmata 1, wěmafɔ 1.