Ko annabi Iisaa woni hooreejo moftal almasiiyaaɓe ɓen (Efeesi 5:23). Hannde, gila ka kammu, annabi Iisaa no ɗowude taalibaaɓe makko ɓen ka hoore leydi rewrude e « jiyaaɗo reeniiɗo holniiɗo » on (janngee Matta 24:45). Ko annabi Iisaa waɗi « jiyaaɗo reeniiɗo holniiɗo » on. Hay si « jiyaaɗo holniiɗo » on no mari bawgal, ko e ley annabi Iisaa o woni e himo dankaade musiɓɓe annabi Iisaa ɓen ka dewal. Ko hommbo woni on jiyaaɗo ? Ko honno o dankorta en ?

1. Ko hommbo woni « jiyaaɗo reeniiɗo holniiɗo » on ?

Yahuwah Alla no huutora soono woo aaden gooto maa mojobere yimɓe fii ɗowugol jamaa makko on (Malakii 2:7 ; Yahuudiyankeeɓe 1:1). Ɓawto ko annabi Iisaa maayi, ko sahaabaaɓe e ardotooɓe e nder Yerusalaam wonunoo ɗowude moftal ngal (Kuuɗe sahaabaaɓe ɓen 15:2). Ko wano non kadi, hannde ko mojoberehun ardotooɓe, ɗun ko Hikkiiɓe ka fewjoore Seedeeɓe Yahuwah ɓen, woni ɓe okkorde neema ruuhuyankeejo e ɗowa ɓe fii ka waajagol. Kun mojoberehun ko ‘jiyaaɗo reeniiɗo holniiɗo’ mo annabi Iisaa toɗɗii on (Matta 24:45a). Hikkiiɓe ka fewjoore ɓen fow ko almasiiyaaɓe toɗɗaaɓe ruuhu seniiɗo on. Hiɓe weltii miijagol ɓe tawtoyay annabi Iisaa ka kammu fii laamodagol e makko saa’i ngurndan maɓɓe ɗan ka hoore leydi lanni.

2. Ko honɗun woni neema ruuhuyankeejo mo ‘jiyaaɗo holniiɗo’ on jonnata ?

Annabi Iisaa wi’i jiyaaɗo holniiɗo on « neemin[ay] » taalibaaɓe makko ɓen « e saa’i haanuɗo » (Matta 24:45b). Ko ɲaameten kon okkay doole e cellal. Ko wano non kadi, neema ruuhuyankeejo on, ɗun ko ko Deftere Alla nden jannata en kon, wallirta en wonangol Yahuwah Alla sella-finndeeɓe e waɗugol golle ɗe annabi Iisaa halfini en ɗen (1 Timotee 4:6). Hiɗen heɓude on neema ruuhuyankeejo rewrude pottite ɗen e mottondire ɗen, defte cewɗe tuggiiɗe e Deftere Alla nden e vidiooji ko wallata en faamugol faale Alla on e tiiɗingol weldigal men ngal e makko.

 LUGGINEE

3. Jamaa Yahuwah Alla on no haani yuɓɓindireede

E nder ko annabi Iisaa ɗowata Hikkiiɓe ka fewjoore ɓen, ko kamɓe kippi fii golle Seedeeɓe Yahuwah ɓen. Ɗun no nanndi e ko feƴƴaynoo hakkunde almasiiyaaɓe ɓen ka teeminannde aranere. Fijinee VIDIO on.

Janngee 1 Korenti 14:33, 40 e yewton fii ngal lanndal :

• Ko honno ɗee aayeeje holliri Yahuwah Alla no faalaa yo Seedeeɓe makko ɓen yuɓɓondir ?

4. Jiyaaɗo holniiɗo on no kippi fii waajagol ngol

Fii almasiiyaaɓe ɓen ka teeminannde aranere, ko waajagol ngol ɓurnoo hittande ɓe. Janngee Kuuɗe sahaabaaɓe ɓen 8:14, 25 e yewton fii ɗee lanndaale :

• Ko hommbo, hakkunde almasiiyaaɓe ɓen, ardotonoo golle waajagol ngol ka teeminannde aranere ?

• Ko honno Petruusu e Yuuhanna gerdunoo fii yamiroore nde sahaabaaɓe goo yamirnoo ɓe kon ?

Waajagol ngol ko golle ɓurɗe hittude ɗe Hikkiiɓe ka fewjoore ɓen waɗi. Fijinee VIDIO on.

 Annabi Iisaa holluno waajagol ko huunde ɓurnde hittude. Janngee Markuusa 13:10 e yewton fii ɗee lanndaale :

• Fii honɗun golle waajagol ngol hittani moƴƴa Hikkiiɓe ka fewjoore ɓen ?

• Fii honɗun hiɗen hatonjini e « jiyaaɗo reeniiɗo holniiɗo » on fii fewjugol fii ɗee golle e nder aduna on fow ?

5. Jiyaaɗo holniiɗo on no ɗowude en

Hikkiiɓe ka fewjoore ɓen no ɗowude almasiiyaaɓe goongaaɓe ɓen e nder aduna on fow. Ko honno ɓe fewjirta ? Ndaaren no almasiiyaaɓe ɓen ka teeminannde aranere gerdaynoo. Janngee Kuuɗe sahaabaaɓe ɓen 15:1, 2 e yewton fii ɗee lanndaale :

• Ko honɗun waddunoo almasiiyaaɓe ɓen ka teeminannde aranere ?

• Ko ka hommbo Puulusa, Barnabaasi e woɓɓe goo yahunoo fii jittugol ɗun ?

Janngee Kuuɗe sahaabaaɓe ɓen 15:12-18, 23-29 e yewton fii ngal lanndal :

• Ado yo ɓe fewjude, ko honɗun Hikkiiɓe ka fewjoore ɓen waɗunoo fii no Alla ɗowira ɓe ? (Ndaaree aayeeje 12, 15 e 28).

Janngee Kuuɗe sahaabaaɓe ɓen 15:30, 31 e 16:4, 5 e yewton fii ɗee landaale :

• Ko honno almasiiyaaɓe ɓen ka teeminannde aranere gerdunoo fii pehe ɗe Hikkiiɓe ka fewjoore ɓen ƴettunoo ?

• Ko honno Yahuwah Alla barkinirnoo ɗoftaare maɓɓe nden ?

Janngee 2 Timotee 3:16 e Yaaquuba 1:5 e yewton fii ngal lanndal :

• Hannde, ko honto Hikkiiɓe ka fewjoore ɓen ɗaɓɓata ballal fii fewjugol ?

 RAWNOODE

Ko Hikkiiɓe ka fewjoore ɓen woni « jiyaaɗo reeniiɗo holniiɗo » mo annabi Iisaa toɗɗii on. Ko kamɓe woni e ɗowude e jonnude neema ruuhu-yankeejo almasiiyaaɓe ɓen e nder aduna on fow.

Ndartannde

• Ko hommbo toɗɗii « jiyaaɗo reeniiɗo holniiɗo » on ?

• Ko honno Hikkiiɓe ka fewjoore ɓen kippiri fii men ?

• Hiɗon hoolii Hikkiiɓe ka fewjoore ɓen ko « jiyaaɗo reeniiɗo holniiɗo » on ?