Heɓen baraaji Taguɗo en on haa poomaa
Alla foduno annabi Ibrahiima wonndema goɗɗo e jurriya makko on addanay « leƴƴi aduna on fow » baraaji (Fuɗɗoode nden 22:18, VPFJ). Ko hommbo wonaynoo on neɗɗo ?
Ko yahata fayda duuɓi 2 000, Alla okkuno annabi Iisaa, jurriya annabi Ibrahiima, bawgal waɗugol kaawakeeji. Ɗii kaawakeeji holluno ko annabi Ibrahiima fodanoo kon, hewtirayno leƴƴi ɗin fow rewrude e annabi Iisaa (Galaasi 3:14).
Kaawakeeji annabi Iisaa ɗin holluno ko kanko Alla suɓii fii barkingol tagaaɗo, e ɗi holluno kadi honno Alla huutortoo mo fii barkingol tagaaɗo haa poomaa. Ndaaree honno kaawakeeji annabi Iisaa ɗin holliri goɗɗi e sifaaji makko yooɗuɗi :
Moƴƴere ɓernde : O sellinno nawnuɓe.
Ɲannde goo, gorko mo ɗamajan torino annabi Iisaa yo o sellin mo. Annabi Iisa meemi mo e jaabii : « Miɗo yiɗi » (Markuusa 1:40-42). Ko ɗon kisan ɗamajan ɗan iwi e makko.
Moƴƴuki : O ɲamminno weelaaɓe.
Annabi Iisaa faalanooka yo yimɓe ɓe weele. Ko yahata nde laabi ɗiɗi, o waɗuno kaawee fii ɲammingol yimɓe guluuji guluuji e hoore ɗuuɗingol bireediije e likkoy (Matta 14:17-21 ; 15:32-38). Fow ɲaamuno haa haari e ɲaametee buy luttuno.
Yurmeende : O immintinno mayɓe.
E hoore yurmeende, annabi Iisaa immintinno ɓiɗɗo bajjo keynguujo mo alaano hay gooto ko dankoo mo (Luuka 7:12-15).
No gasa on yiɗay kadi
GOMɗINAL HAQIIQAWAL—FII HEƁUGOL WELTAARE
Ko honɗun woni faale Alla on fii aduna on ?
Deftere Alla nden wi’i wonndema Alla tagiraali aduna on “fii meere,” kono “ko fii ka hoɗee.” Kono ko woni e feƴƴude kon hannde ko nii o faaliraanoo ɗun ?
ESSENTIAL BIBLE TEACHINGS
Fii honɗun Allah tagani leydi ndin ?
Aduna men on no heewi piiji fotuɗi. O woɗɗindiri leydi ndin e naange ngen no haaniri non e o waɗi yo ndi yiltondir no haaniri non. Fii honɗun Allah wakkilanii moƴƴa tagugol ndii leydi labaandi ?
