Is é an spiorad naomh cumhacht Dé i mbun gnímh, a fhórsa gníomhach. (Míocá 3:8; Lúcás 1:​35) Cuireann Dia a spiorad uaidh trína chuid fuinnimh a sheoladh chuig a rogha áit chun a thoil a chur i gcrích.​—Salm 104:30; 139:7.

 Sa mBíobla, aistrítear an focal “spiorad” ón bhfocal Eabhrais ruʹach agus ón bhfocal Gréigise pneuʹma. Is minic, a thagraíonn na focail sin d’fhórsa gníomhach Dé, nó dá spiorad naomh. (Geineasas 1:2) Mar sin féin, úsáideann an Bíobla na focail sin ar bhealaí eile:

•   Anáil.​—Habacúc 2:​19; Apacailipsis 13:15, Tiomna Nua le Cosslett Ó Cuinn.

•   Gaoth.​—Geineasas 8:1; Eoin 3:8.

•   Fórsa na beatha, nó an bheochan, atá i gcréatúir bheo.​—Iób 34:14, 15.

•   Meon nó dearcadh dhuine.​—Uimhreacha 14:24.

•   Pearsana spiorad, Dia agus na haingil san áireamh.​—1 Ríthe 22:21; Eoin 4:​24.

 Tá siad seo go léir ag tagairt do rud éigin nach féidir leis an duine a fheiceáil ach a fhágann a lorg agus is féidir a dtionchar a mheas. Mar an gcéanna tá spiorad Dé, “cosúil leis an ngaoth, dofheicthe, neamhábhartha agus cumhachtach.”​—An Expository Dictionary of New Testament Words, by W. E. Vine.

 Tagraíonn an Bíobla freisin do spiorad naofa Dé mar a “lámha” nó a “mhéara.” (Salm 8:4; 19:2 (8:3; 19:1 i mBíoblaí eile); Lúcás 11:20; féach Matha 12:28.) Díreach mar a úsáideann ceardaí a lámha agus a mhéara chun a chuid oibre a dhéanamh, d’úsáid Dia a spiorad leis na rudaí seo leanas a dhéanamh:

•   An chruinne.​—Salm 33:6; Íseáia 66:​1, 2.

•   An Bíobla.​—2 Peadar 1:​20, 21.

•   Na míorúiltí agus an mhinistreacht a rinne a sheirbhísigh san am atá caite.​—Lúcás 4:​18; Gníomhartha 1:8; 1 Corantaigh 12:​4-​11.

•   Na tréithe breátha a léiríonn daoine atá umhal dó.​—Galataigh 5:​22, 23.

Ní duine é an spiorad naomh

 Léiríonn an Bíobla nach duine é an spiorad naomh trí thagairt a dhéanamh dó mar a “lámha,” a “mhéara,” nó a “anáil.” (Eaxodus 15:​8, 10) Ní féidir le lámha ceardaí oibriú go neamhspleách ar a intinn ná ar a chorp; mar a chéile le spiorad naofa Dé, ní oibríonn sé ach de réir mar a threoraíonn Dia é. (Lúcás 11:13) Déanann an Bíobla comparáid idir spiorad Dé agus uisce agus luann sé é le rudaí ar nós chreideamh agus eolas. Léiríonn na comparáidí seo go léir an nádúr neamhphearsanta atá ag an spiorad naomh.​—Íseáia 44:3; Gníomhartha 6:5; 2 Corantaigh 6:6.

 Ainmníonn an Bíobla Iehova Dia agus a Mhac, Íosa Críost; ach, ní ainmníonn sé an spiorad naomh in áit ar bith. (Íseáia 42:8 a; Lúcás 1:​31) Nuair a tugadh fís mhíorúilteach do na flaithis don mhairtíreach Críostaí Stiofán, ní fhaca sé ach beirt phearsa, ní triúr. Deir an Bíobla: “Bhí seisean lán den Spiorad Naomh, agus, ag féachaint in airde chun na bhflaitheas dó, chonaic sé glóir Dé agus Íosa ina sheasamh ar dheis Dé.” (Gníomhartha 7:​55) Ba é cumhacht Dé i bhfoirm an spiorad naomh, a chuir ar chumas Stiofáin an fhís a fheiceáil.

 An chiall chontráilte: Is pearsa é an “Spiorad Naomh,” agus is cuid den Tríonóid é, mar atá luaite ag 1 Eoin 5:​7, 8 i leagan King James den Bhíobla.

 Fíric: Tá an ráiteas seo leanas le fáil i leagan King James den Bhíobla ag 1 Eoin 5:​7, 8: “an tAthair, an Briathar, agus an Spiorad Naomh; agus is aon an Triúr. Agus tá triúr a thugann fianaise ar talamh.” Fuair taighdeoirí amach, nár scríobh an t-aspal Eoin na focail sin agus nár cheart iad a bheith sa mBíobla. Scríobh an tOllamh Bruce M. Metzger: “Is cinnte gur focail bréige iad seo agus níor cheart go mbeadh siad sa Tiomna Nua.”​—A Textual Commentary on the Greek New Testament.

 An chiall chontráilte: Tagraíonn an Bíobla don spiorad naomh mar phearsa, agus cruthaíonn sé seo gur duine é.

 Fíric: Anois is arís tagraíonn na Scrioptúir don spiorad naomh mar phearsa, ach ní chruthaíonn sé seo gur duine é. Cuireann an Bíobla síos ar eagna, bás agus peaca freisin mar phearsa. (Seanfhocail 1:​20; Rómhánaigh 5:​17, 21) Mar shampla, deirtear go bhfuil “oibreacha” agus “leanaí” ag an eagna agus go bhfuil an peaca ag mealladh, ag marú agus ag oibriú gach cineál saint.​—Matha 11:19; Lúcás 7:​35; Rómhánaigh 7:​8, 11.

 An chiall chontráilte: Cruthaíonn baisteadh in ainm an spioraid Naomh gur pearsa spiorad atá i gceist leis an spiorad Naomh.

 Fíric: Úsáideann an Bíobla an focal “ainm” uaireanta chun cumhacht nó údarás a chur in iúl. (Deotranaimí 18:19-​22; Eistir 8:​10) Tá sé seo cosúil lena úsáid san abairt Ghaeilge “in ainm an dlí,” ní chiallaíonn sé gur duine é an dlí. Tugann duine a baisteadh “in ainm” an spiorad naomh aitheantas do chumhacht agus ról an spioraid naomh ó thaobh toil Dé a chur i gcrích.​—Matha 28:19.

 An chiall chontráilte: Chreid aspail Íosa agus deisceabail na chéad aoise gur pearsa a bhí sa spiorad naomh.

 Fíric: Ní hé sin atá ráite sa mBíobla ná go stairiúil. Deir an Encyclopædia Britannica: “Tháinig an sainmhíniú gur Pearsa dhiaga ar leith é an Spiorad Naomh . . . chun cinn ag an Council of Constantinople i 381 CR.” Bhí sé seo os cionn 250 bliain tar éis don duine deireadh de na haspail bás a fháil.