Yesaia 64:1-12
64 Miná ni ogba ŋwɛi mli ni okpeleke shi kɛba,Koni gɔji lɛ ahoso yɛ ohewɔ,
2 Tamɔ bɔ ni la hãa laitsei bibii shãa,Ni la hãa nu tswaa lɛ,—Koni ohenyɛlɔi lɛ ale ogbɛ́i lɛ,Ni jeŋmaji lɛ ahe akpokpo yɛ ohiɛ!
3 Be ni ofee nibii ni yɔɔ naakpɛɛ ni wɔhiɛ kãaa nɔ lɛ,+Okpeleke shi kɛba, ni gɔji lɛ hoso yɛ ohiɛ.+
4 Kɛjɛ blema tɔ̃ɔ lɛ, mɔ ko mɔ ko nuko, ni efoko mɔ ko mɔ ko hu toi naa,Ni hiŋmɛi ko hiŋmɛi ko hu enako Nyɔŋmɔ ko tamɔ boNi feɔ nii ehãa mɛi ni yaa nɔ amɛkwɛɔ lɛ gbɛ* lɛ.+
5 Okɛ mɛi ni kɛ miishɛɛ feɔ nɔ ni ja lɛ ekpe,+Mɛi ni kaiɔ bo ni amɛnyiɛɔ ogbɛi lɛ anɔ lɛ.
Naa! Omli fu, ejaakɛ wɔtee nɔ wɔfee esha,+Wɔfee nakai be kplaŋŋ.
Ani wɔsa yiwalaheremɔ?
6 Ni wɔ fɛɛ wɔtsɔmɔ tamɔ mɔ ko ni he tseee,Ni wɔjalɛ nifeemɔi lɛ fɛɛ tamɔ mama ni yoo kɛwoɔ eshishi kɛ́ eefee yei anii.+
Wɔ fɛɛ wɔbaaŋala tamɔ baa,Ni wɔtɔmɔi lɛ baaloo wɔ kɛya tamɔ kɔɔyɔɔ loɔ nii kɛyaa lɛ.
7 Mɔ ko mɔ ko bɛ ni tsɛɔ ogbɛ́i lɛ,Mɔ ko eteee shi ni ebaamɔ omli,Ejaakɛ okɛ ohiɛ etee wɔ,+Ni ohã wɔmiitã loo* yɛ wɔtɔmɔ lɛ hewɔ.*
8 Shi agbɛnɛ, Ao Yehowa, bo ji wɔ-Tsɛ.+
Wɔji sũ lɛ, ni bo ji wɔ-Shɔ̃lɔ;*+Oninenaa nitsumɔ ji wɔ fɛɛ.
9 Ao Yehowa, kaahã omli fu wɔ babaoo,+Ni kaakai wɔtɔmɔi lɛ kɛtee naanɔ.
Ofainɛ, kwɛmɔ wɔ, ejaakɛ omaŋ ji wɔ fɛɛ.
10 Omaji krɔŋkrɔŋi lɛ etsɔmɔ ŋa.
Zion etsɔ ŋa,Yerusalem etsɔ shikpɔŋ ni akɛfeee nɔ ko.+
11 Wɔshĩa* krɔŋkrɔŋ ni yɔɔ fɛo lɛ,He ni wɔtsɛmɛi lɛ jie oyi yɛ lɛ,Akɛ la eshã,+Ni wɔnibii ni jara wa lɛ fɛɛ efite.
12 Ao Yehowa, ani obaaya nɔ otsĩ ohe naa yɛ enɛ fɛɛ sɛɛ?
Ani obaaya nɔ ofee diŋŋ ni ohã wɔna nɔ waa nɛkɛ?+
Shishigbɛ Niŋmaa
^ Loo “ni yaa nɔ amɛmɛɔ lɛ.”
^ Hebri sht. ŋm., “wɔmiisere.”
^ Hebri sht. ŋm., “yɛ wɔtɔmɔ lɛ dɛŋ.”
^ Loo “mɔ ni shɔ̃ wɔ.”
^ Loo “Wɔsɔlemɔ shĩa.”
