Ŋɔɔ:

• Lala Lɛ He Wolo Lɛ

1. 1. Wɔnaa kpɛɔ wɔhe, wɔmii shɛɔ wɔhe

   Yɛ oninenaa nitsumɔi ahewɔ.

   Eshafeemɔ hã shikpɔŋ nɔ fite;

   Shi wɔle akɛ, oyiŋtoi baaba mli.

   (NƆHEREMƆ)

   Wɔmiikpa jeŋ hee gbɛ; wa wɔ koni wɔmɛ.

   Nyɔŋmɔ, hã wɔ tsuishitoo.

   Ogbi wulu etsɛŋ, ebaaba yɛ be naa.

   Kɛji esɛɛ gbla shi po,

   Etsɛŋ, ebaaba.

2. 2. Gbohii fɛɛ ni yɔɔ kaimɔ bui amli,

   Wɔle waa akɛ ohiɛ etse amɛ.

   Okɛ amɛ fɛɛ baaba wala mli.

   Hã wɔkase bo, ni wɔná tsuishitoo.

   (NƆHEREMƆ)

   Wɔmiikpa jeŋ hee gbɛ; wa wɔ koni wɔmɛ.

   Nyɔŋmɔ, hã wɔ tsuishitoo.

   Ogbi wulu etsɛŋ, ebaaba yɛ be naa.

   Kɛji esɛɛ gbla shi po,

   Etsɛŋ, ebaaba.

3. 3. Okwɛɔ tsui amli onaa mɛi kpakpai

   Ni yeɔ aw’rɛho, oshɛjeɔ amɛmii.

   Shiɛmɔ nitsumɔ ni okɛ wɔ tsuɔ

   Hãa wɔbɛŋkɛɔ bo, wɔ-Tsɛ kɛ wɔ-Nyɔŋmɔ.

   (NƆHEREMƆ)

   Wɔmiikpa jeŋ hee gbɛ; wa wɔ koni wɔmɛ.

   Nyɔŋmɔ, hã wɔ tsuishitoo.

   Ogbi wulu etsɛŋ, ebaaba yɛ be naa.

   Kɛji esɛɛ gbla shi po,

   Etsɛŋ, ebaaba.

   Hã wɔto wɔtsui shi daa!