Mɛni Biblia lɛ Kɛɔ?
Kɛ́ mɔ ko gbo lɛ, mɛɛ shihilɛ mli eyajeɔ?
MƐI KOMƐI HEƆ AMƐYEƆ AKƐ ekãa he ehiɔ shi yɛ he ko, ni mɛi komɛi hu heɔ amɛyeɔ akɛ gbele kɛ nɔ fɛɛ nɔ baa naagbee. Mɛni ji osusumɔ?
NƆ NI BIBLIA LƐ KƐƆ
“Gbohii lɛ, amɛleee nɔ ko nɔ ko.” (Jajelɔ 9:5) Kɛ́ mɔ ko gbo lɛ, ehiii shi yɛ he ko he ko.
NƆ KROKO HU NI BIBLIA LƐ TSƆƆ WƆ
Be ni Adam, ni ji klɛŋklɛŋ gbɔmɔ lɛ gbo lɛ, eku esɛɛ kɛtee su lɛ mli. (1 Mose 2:7; 3:19) Nakai nɔŋŋ mɛi krokomɛi fɛɛ ni gboiɔ lɛ kuɔ amɛsɛɛ kɛyaa su lɛ mli.—Jajelɔ 3:19, 20.
Abuɔ mɛi ni gboiɔ lɛ bem kɛjɛɔ amɛhe esha lɛ mli. (Romabii 6:7) Kɛ́ mɔ ko gbo lɛ, agbalaaa etoi dɔŋŋ yɛ eshai ni efee lɛ he.
Ani gbohii lɛ baanyɛ ahi shi ekoŋŋ?
MƐNI OBAAKƐƐ?
Hɛɛ
Dabi
Ekolɛ
NƆ NI BIBLIA LƐ KƐƆ
‘Abaatee gbohii ashi.’—Bɔfoi 24:15.
MƐNI HU WƆKASEƆ KƐJƐƆ BIBLIA LƐ MLI?
Bei pii lɛ Biblia lɛ kɛ gbele toɔ wɔ he. (Yohane 11:11-14) Nyɔŋmɔ baanyɛ atee gbohii lɛ ashi, tamɔ bɔ ni wɔbaanyɛ wɔtsĩɛ mɔ ko kɛjɛ wɔ mli lɛ.—Hiob 14:13-15.
Biblia lɛ ebɔ gbohiiashitee babaoo he amaniɛ, ni enɛ hãa wɔnáa nɔmimaa akɛ abaatee gbohii lɛ ashi.—1 Maŋtsɛmɛi 17:17-24; Luka 7:11-17; Yohane 11:39-44.