• La 69:​30, 31—Mɛɛ gbɛ nɔ ŋmalɛ nɛɛ baanyɛ awa wɔ ni wɔsɔle jogbaŋŋ fe bɔ ni wɔfeɔ bianɛ lɛ? (w99 1/15 18 kk. 11)

  Your answer

• Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

  Your answer

Yɛ January 2009 lɛ akɛ Asafo Woloŋ Nikasemɔ lɛ, Teokrase Sɔɔmɔ Skul lɛ kɛ Sɔɔmɔ Kpee lɛ tsa ni aná otsi teŋ kpee kome. Enɛ hã wekui ná hegbɛ ni amɛkɛbaafee amɛ diɛŋtsɛ amɛweku jamɔ daa otsi. Mɛi babaoo etsɔɔ bɔ ni amɛhiɛ esɔ gbɛjianɔ ni ato ni ewa amɛ ni amɛtsi amɛbɛŋkɛ Yehowa kɛ amɛweku lɛ mli bii lɛ waa lɛ.—5Mo 6:​6, 7.

Mɛɛ otii komɛi baanyɛ awa weku yitsei koni amɛnyɛ amɛfee Weku Jamɔ daa ni eŋɔɔ hu?

• Nyɛfea lɛ daa otsi. Kɛ́ ebaahi lɛ nyɛtoa be pɔtɛɛ ko yɛ otsi lɛ mli ni nyɛkɛbaafee weku jamɔ. Nyɛtoa gbi kroko ni kɛ́ ehiii nyɛ feemɔ lɛ nyɛkɛbaafee

• Saamɔ ohe oto. Bi oŋa ni etsɔɔ ejwɛŋmɔ yɛ bɔ ni nyɛbaafee lɛ nyɛhã lɛ he, ni yɛ be kɛ beiaŋ lɛ bi obii lɛ ni amɛtsɔɔ amɛjwɛŋmɔ yɛ nibii ni amɛbaasumɔ ni afee lɛ he. Okɛ bei pii akasaa ohe kɛhã nifeemɔi ni nyɛkɛfeɔ weku jamɔ lɛ ekomɛi, titri lɛ kɛ́ oweku lɛ mli bii lɛ sumɔɔ ni amɛfee nifeemɔi lɛ ekomɛi daa otsi

• Hã nibii ni nyɛbaafee lɛ akɔ oweku lɛ he. Be ni gbekɛbii daraa lɛ, nibii ni amɛbaanyɛ amɛfee kɛ amɛhiamɔ nii tsakeɔ. Esa akɛ nyɛweku jamɔ lɛ awa weku lɛ mli bii lɛ ateŋ mɔ fɛɛ mɔ ni ehemɔkɛyeli lɛ mli awa

• Esa akɛ nyɛfee lɛ bɔ ni mɔ fɛɛ mɔ baaná miishɛɛ ni enu he akɛ asumɔɔ lɛ. Bei komɛi lɛ, kɛ́ kɔɔyɔŋ tsakemɔ lɛ hi lɛ, abaanyɛ afee weku jamɔ lɛ yɛ kpo nɔ loo yɛ he kroko. Kɛ́ nyɛmiifee weku jamɔ lɛ, kɛ́ ehe bahia lɛ, nyɛbaanyɛ nyɛfo mli minitii fioo loo nɔ, ni nyɛtsa nɔ. Ehi akɛ abaasusu naagbai pɔtɛi komɛi ni gbekɛbii lɛ kɛmiikpe lɛ he moŋ, shi esaaa akɛ atsɔɔ weku jamɔ lɛ nɔ ashaa mɔ ko hiɛ loo agbalaa mɔ ko toi

• Nyɛfea nibii srɔtoi. Akɛ nɔkwɛmɔnɔ lɛ, nyɛbaanyɛ nyɛkɛ be lɛ eko asaa nyɛhe kɛhã asafoŋ kpee, nyɛkwɛ vidio ko ni yɔɔ jw.org lɛ nɔ ni nyɛsusu he, ni nyɛka nɔ ni nyɛto akɛ nyɛbaawie yɛ shiɛmɔ mli lɛ nyɛkwɛ. Eyɛ mli akɛ nibii ni nyɛbaafee yɛ Weku Jamɔ lɛ mli lɛ titri baafee sanegbaa moŋ, shi nyɛbaanyɛ nyɛshi be lɛ eko ni weku lɛ mli bii lɛ ateŋ mɔ fɛɛ mɔ afee aŋkro nikasemɔ

Bi toibolɔi lɛ sane nɛɛ:

• Mɛɛ gbɛ nɔ nyɛkɛ otii nɛɛ etsu nii yɛ nyɛweku jamɔ lɛ mli?

  Your answer