NYƐYAA NƆ NYƐBUA!
Nu Hɔmɔ Ni Naa Wa—Mɛni Biblia Lɛ Kɛɔ Yɛ He?
“China bɔ amaniɛ akɛ afi nɛɛ, kɔɔyɔɔ lɛ mli edɔ ‘waa fe bei fɛɛ ni eho’ yɛ China, ni enɛ ji shii etɛ nɔ ni kɔɔyɔɔ lɛ mli edɔ waa aahu akɛ anáaa nu, ni hei babaoo egbigbii.”—The Guardian, September 7, 2022.
“Nu hɔmɔ ni naa wa eba yɛ Afrika hei komɛi, ni enɛ baaya nɔ afii enumɔ sɔŋŋ.”—UN News, August 26, 2022.
“Abɔ amaniɛ akɛ Yuropa maji babaoo baaye nu hɔmɔ, ni etamɔ enɛ naa baawa waa bɔ ni eko bako dã yɛ afii 500 ni eho nɛɛ mli.”—BBC News, August 23, 2022.
Mɛi ni le kɔɔyɔɔ lɛ mli shikamɔ he saji amli jogbaŋŋ lɛ ewie akɛ, nu hɔmɔ ni tamɔ enɛɛmɛi baatsara nɔ, ni emli baaya nɔ awo wu po. Ani hiɛnɔkamɔ ko yɛ akɛ shihilɛ nɛɛ baahi wɔsɛɛ? Mɛni Biblia lɛ kɛɔ yɛ he?
Nu hɔmɔ kɛ Biblia gbalɛi
Biblia lɛ gba yɛ wɔgbii nɛɛ he akɛ:
“Hɔmɔ . . . baaba yɛ heihei.”—Luka 21:11.
Bei pii lɛ, nu hɔmɔ kɛ niyenii ni anáaa baa. Niyenii ni anáaa nɛɛ hãa apiŋɔ waa, ni agboiɔ hu, ni eji Biblia gbalɛ ni miiba mli.—Kpojiemɔ 6:6, 8.
Nɔ hewɔ ni nu hɔmɔ mli woɔ wu yɛ je lɛŋ hei srɔtoi
Biblia lɛ hãa wɔnaa nɔ tuuntu hewɔ ni nu hɔmɔ lɛ mli woɔ wu waa nakai lɛ. Ekɛɛ:
“Bɔ ni gbɔmɔ ni nyiɛ lɛ baakudɔ lɛ diɛŋtsɛ enajifaamɔi ehã po lɛ, ebɛ edɛŋ.”—Yeremia 10:23.
Enɛ tsɔɔ akɛ, adesai diɛŋtsɛ nyɛŋ ‘akudɔ amɛnajifaamɔi’ loo amɛye amɛ diɛŋtsɛ amɛnɔ ni amɛye omanye. Bei pii lɛ, yiŋ ni amɛkpɛɔ yɛ saji ahe lɛ hãaa nugbɔ anɛ, ni ehãa nu hɔmɔ baa.
Jeŋ shikpalɔi babaoo kpɛlɛɔ nɔ akɛ, adesai anifeemɔi ji nɔ ni ehã jeŋ edɔ waa lɛ, ni no ehã nu hɔmɔ lɛ mli ewo wu yɛ je lɛŋ hei srɔtoi lɛ.
Amimyelɔi kɛ mɛi ni kpɛɔ yiŋ ni amɛsusuuu nii ahe kɛyaaa shɔŋŋ lɛ anifeemɔi ehã aafite kooi, kɔɔyɔɔ lɛ mli, kɛ adebɔɔ nibii krokomɛi, ni enɛ miifite hei titrii ni anáa nui kɛjɛɔ lɛ.
Shi, Biblia lɛ hãa wɔ hiɛnɔkamɔ.
Ani hiɛnɔkamɔ ko yɛ kɛhã wɔsɛɛ?
Biblia lɛ woɔ shi akɛ, Nyɔŋmɔ baatsu naagbai ni kɛ nu hɔmɔ baa ŋmɛnɛ lɛ ahe nii. Mɛɛ gbɛ nɔ ebaatsɔ efee enɛ?
1. Nyɔŋmɔ baafite “mɛi ni fiteɔ shikpɔŋ lɛ.” (Kpojiemɔ 11:18) Ebaajie efɔŋfeelɔi kɛ amimyelɔi kɛje shihilɛ mli, ejaakɛ amɛkɛ amɛnifeemɔi fiteɔ shikpɔŋ lɛ kɛ kɔɔyɔɔ lɛ mli, ni no hãa nu hɔmɔ baa.—2 Timoteo 3:1, 2.
2. “Shikpɔŋ ni hulu eshã lɛ ni egbi lɛ baatsɔ kpaakpo.” (Yesaia 35:1, 6, 7) Nyɔŋmɔ baasaa nibii fɛɛ ni nu hɔmɔ efite lɛ, ni ebaahã shikpɔŋ nɛɛ atsɔ paradeiso ni nui babaoo yɔɔ nɔ.
3. “Obaakwɛ shikpɔŋ lɛ, ni obaahã eba nii babaoo kɛ yibii kpakpai.” (Lala 65:9) Nyɔŋmɔ baajɔɔ shikpɔŋ lɛ, no ji ebaahã mɛi fɛɛ ni yɔɔ shikpɔŋ lɛ nɔ lɛ aná niyenii kpakpai babaoo kɛ nui ni mli tse.
Ekolɛ Obaasumɔ Enɛ Hu
NYƐYAA NƆ NYƐBUA!
Jeŋ Fɛɛ Edɔ Waa Bɔ Ni Eko Bako Pɛŋ—Mɛni Biblia Lɛ Kɛɔ Yɛ He?
Ani be ko baashɛ ni adesai nyɛŋ ahi shikpɔŋ lɛ nɔ dɔŋŋ?
SANEBIMƆI NI BIBLIA LƐ EHÃ HETOO
Ani Abaakpãtã Shikpɔŋ Lɛ Hiɛ?
Biblia lɛ tsɔɔ Nyɔŋmɔ yiŋtoo kɛhã shikpɔŋ lɛ.
ESSENTIAL BIBLE TEACHINGS
Mɛni Hewɔ Nyɔŋmɔ Bɔ Shikpɔŋ Lɛ?
Nibii fɛfɛji eyi je lɛŋ obɔ. Akɛ je lɛ eto he ko ni kɛ hulu lɛ teŋ jekɛmɔ yɛ bɔ ni sa. Akpa lɛ fio bɔ ni sa, ni foi ni ekɛbɔleɔ ehe lɛ hu yɛ bɔ ni sa jogbaŋŋ. Mɛni hewɔ Nyɔŋmɔ gbo deŋme kɛfee shikpɔŋ lɛ fɛfɛo nakai?
SANEBIMƆI NI BIBLIA LƐ EHÃ HETOO
Mɛni Ji “Naagbee Gbii Lɛ” Ahe Okadi Lɛ?
Biblia lɛ gba nibii babaoo ni baaya nɔ yɛ be kome too mli ni baafee naagbee gbii lɛ he okadi.
NYƐYAA NƆ NYƐBUA!
Aafite Shikpɔŋ Lɛ—Mɛni Biblia Lɛ Kɛɔ Yɛ He?
Biblia ŋmalɛ ko tsɔɔ wɔ nibii etɛ komɛi yɛ wɔshikpɔŋ lɛ ni aafite lɛ he.
