Iobi 14:1-22
14 “Te mwaane ae bungiaki mairoun te aine,E kimototo maiuna+ ao e on n te rawawata.*+
2 E bwebwerake n ai aron te uee ao imwina e rai,*+Ao e birinako n ai aron te nuu ao e maunanako.+
3 Eng, ko katokaa matam i aona,Ao ko kaira teuanne* nakon te boowi bwa ko na tei ma ngaia.+
4 Antai ae kona n itiaki ngkana e bungiaki mairoun te aomata ae kamwara?+
Bon akea ae e kona!
5 Ngkana a baireaki ana bong,Ao ane iroum mwaitin ana namwakaina.
Ko a tia ni katea tiana ae e na aki manga riaona.+
6 Tannako mairouna bwa e aonga ni motirawa,Ni karokoa banen ana bong n ai aron te tia mwakuri ae kabooaki ana mwakuri.+
7 Bwa iai naba te kantaninga ibukin te aroka.
Ngkana e koreaki, ao e na manga bwebwe,Ao a na teimatoa n rikirake mwaangana.
8 Ngkana e a wakaa nikawai wakaana i aontanoAo e a mate botona are n te tano,
9 Ao ngkana e boo ma te ran teutana ao e na manga bwebwerake,Ao e na manga karikii mwaangana n ai aron te aroka ae boou.
10 Ma e mate te mwaane ao e wene n akea korakorana,Ao ngkana e moti iken te aomata, ao e nga ngkanne?+
11 E maunanako te ran mai taari,Ao e raanganako ranin te karaanga ao e bwatakataka.
12 A wene naba aomata ao a aki manga teirake.+
A na aki uti ni karokoa maunani karawa,Ao a na aki naba kautaki mani matuia.+
13 Ko bia karabaai n te Ruanimate,*+Bwa ko aonga ni karabaai ni karokoa ae e toki unim,Ao ko na bairea tian au tai ma n uringai!+
14 Ngkana e mate te aomata, e na manga maiu?+
N na taningaa banen au bong n tautoronaki,*Ni karokoa rokoni kainaomataau.+
15 Ko na wewete, ao N na kaekako+Ane ko na kariariaa* ana mwakuri baim.
16 Ma ngkai moa, ko teimatoa ni wareki mwanekau nako,Ao ko tii tataraa au bure.
17 E kainaki au bure n te baeki,Ao ko kaina au kairua n te bwai ni kanim.
18 N aron te maunga ae ingunako ma ni maeinikun,Ao e kamwaingaki te bwaa mani nnena,
19 N aron te ran ae kanaanako te atibu,Ao raangana ae uotaanako tanon te aba,
Ao ai arom naba n uruana ana kantaninga te aomata ae mamate.
20 Ko teimatoa ni kataea ana kai ni karokoa ae e maunanako,+Ko bita taraana ao ko kanakoa.
21 A karineaki natina mwaane, ma e aki ataia,A rikirake ni mangori, ma akea ataakina irouna.+
22 E namakina te maraki tii ngkai e bon rabwata,E* nanokawaki tii ngkai e maiu.”
Taiani Kabwarabwara Mai Nano
^ Ke, “onrake n te kiriwe.”
^ Ke tao, “ao e koreakinako.”
^ Ebera, “kairai.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Te kaikonaki ni kaineti ma te tautoronaki n te mate.
^ Ke, “ingainga.”
^ Ebera, ne’phesh, nora Nanon Taeka.
