Areru 101:1-8
Ana areru Tawita. Te anene.
101 N na anenea taekan te tangira ae koaua* ao te kaetitaeka ae riai.
N na anene n neboiko,* ngkoe ae Iehova.
2 N na karaoi bwaai ma te wanawana ao e na akea kabuakakaau.*
N ningai ae ko na kawarai iai?
N na nakonako ma etin nanou+ i nanon au auti.
3 N na aki kaaki te bwai ae akea manenana i matau.
I ribai aia mwakuri akana rairakinako man te bwai ae eti,+Ao e na akea irekerekeu ma ngaiia.*
4 E raroa mairou te nano ae babakanikawai,Ao N na aki butimwaea* te bwai ae buakaka.
5 Ane e karaba ni winnantia raona n aomata,+Ao N na boni kaina wina.*
Ane iai irouna maata aika kainikatonga ma te nano ae kamoamoa,Ao N na bon aki taona nanou nakoina.
6 N na taraiia akana kakaonimaki n te aonnaba,Bwa a aonga ni maeka i rarikiu.
E na beku irou ane e nakonako n akea kabuakakaana.*
7 Akea te aomata ae mwamwanaa te aba ae e na maeka n au auti,Ao akea te tia kewe ae e na tei i matau.
8 N na katoa ingabong ni kainabwabuia* akana buakaka ni kabane n te aonnaba,Ni koreianako taani kakaraoa ae bure ni kabane man ana kaawa Iehova.+
Taiani Kabwarabwara Mai Nano
^ Ke, “te tangira ae kona n onimakinaki.”
^ Ke, “katangitang nakoim.”
^ Ke, “te aro ae eti.”
^ Ke, “E aki nimtai aia mwakuri.”
^ Ebera, “ataa.”
^ Ke, “katiaa arona.”
^ Ke, “n te aro ae eti.”
^ Ke, “katiai aroia.”
