TITIRAKI 18
Ko na kangaa ni kaania te Atua?
“Ngkoe ae te tia Ongo te tataro, a na kawariko aomata n aekaia nako.”
“Onimakina Iehova ma nanom ni kabane, ao tai onimakina oin am ataibwai. Ko na mutiakinna i nanoni kawaim ni kabane, ao e na kanakoraoa maium.”
“Ibukini karekean te maiu are aki toki, a riai n ataiko ae tii ngkoe te Atua ae koaua, ao n ataa naba teuare ko kanakomaia ae Iesu Kristo.”
“Ni koauana, e bon aki raroa [te Atua] mairoura n tatabemanira nako.”
“I teimatoa n tataro bwa e na ririkirake riki ami tangira n raonaki n te atatai ae eti ao n te ataibwai ae tabwanin raoi ni kaineti ma nanon te Atua.”
“Ngkana iai temanna iroumi ae e aki tau wanawanana, ao ke e teimatoa ni butiia te Atua ao e na anganaki, bwa e tituaraoi n anga nakoia aomata ni kabane n aki ngurengure.”
“Kaania te Atua, ao ane e na kaaningkami. Kaitiakii baimi ngkami aika taani bure, ao kaitiakii nanomi ngkami aika kam nanokokoraki.”
“Bon aei tangiran te Atua, ae ti na kakairi n ana tua, ao a aki rawawata ana tua.”
