Te Atatai ae Kaanira ma te Atua
Bon tiaki tii te mwaaka ara tia Karikiriki ma bon iai Ngaia. Bon iai naba aroarona aika raraoi. Ao e tangirira bwa ti na reiakina taekana ao ni kaania riki. (Ioane 17:3; Iakobo 4:8) Anne bukina ae e kaotiota iai aroarona aika bati nakoira.
Bon Iai Aran Ara Tia Karikiriki
“Ke a ataiko aomata ae Iehova aram, bwa bon tii ngkoe Teuare Moan te Rietata n te aonnaba ni kabutaa.”—TAIAN ARERU 83:18.
E reirei te Baibara bwa Iehova bon te Atua ae tii ngaia ae koaua. Bon te tia Karika te iuniweeti ao bwaai ni kabane ake a maiu iai. Bon tii ngaia ae riai n taromauriaki.—Te Kaotioti 4:11.
Iehova Bon te Atua ae Tatangira
“Te Atua bon te tangira.”—1 IOANE 4:8.
E kaotii aroarona aika bati Iehova rinanon te Baibara ao rinanon naba baika karikaki. Te tangira bon aroarona ae moan te rianako. E kaotaki raoi iai bwa antai ngaia. Ngkana ti kabatiaa reiakinan taekan Iehova ao e na rikirake naba tangirana iroura.
Iehova Bon te Atua ae Kakabwarai Buure
“Boni ngkoe te Atua ae ko tauraoi ni kabwarai buure.”—NEEMIA 9:17.
E ataia Iehova ae ti aki kororaoi, ngaia are e “tauraoi ni kabwarai” ara bure. Ngkana ti kabwarai ara bure nakoina ao ni kataia ni katoki karaoani mwakuri aika bubuaka, ao e na boni kabwarai ara bure ao n aki manga uringi.—Taian Areru 103:12, 13.
E Butimwaei Ara Tataro Iehova
“E kaan Iehova nakoia akana weteia ni kabane . . . E ongo tangia ni kani buokaki.” —TAIAN ARERU 145:18, 19.
E aki katei aanga n taromauri aika okoro Iehova ke bwaai n taromauri riki tabeua ni kaineti ma taromauriana. E ongo n ara tataro n aroia kaaro aika tatangira aika ongo irouia natiia.
Ko Bae Naba n Tangira
TITIRAKI AIKA KAEKAAKI MAN TE BAIBARA
Antai Iehova?
Tiaki bon atuaia te botannaomata teuana, n aroia I-Iteraera?
TITIRAKI AIKA KAEKAAKI MAN TE BAIBARA
Bon tii te Mwaaka te Atua?
E taku te Baibara bwa e karikii bwaai nako te Atua, ma e tabe iroura?
