Marurungin te Iango
E anga te kauring te Baibara ni kaineti ma namakin aika karuanikai, ao e kaungaira bwa ti na karikirakei namakin aika raraoi.
TE UN
ANA BOTO N REIREI TE BAIBARA: “Te aomata ae iremwe n un e raoiroi riki nakon te mwaane ae korakora.”—Taeka N Rabakau 16:32.
AE NANONAKI IAI: Ti na buokaki ngkana ti kakorakoraira n taotaon ara namakin. E ngae ngke iai riain unra n tabetai, ma te un ae aki kona n taotaonaki boni iai mwina ae kakaiaki. A katerea taan rabakau ni boong aikai bwa ngkana a un aomata, ao a aki toki n taekini ke ni karaoi baike a a manga uringaaba iai.
TE BWAI AE KO KONA NI KARAOIA: Reireiniko n taotaona unim imwain ae ko a aki kona n taua. E ngae ngke a iangoia tabeman bwa te tatauraoi n un boni kanikinaean te korakora, ma ti wanawana ngkana ti ataia ae boni kanikinaean te mamaara. E kangai te Baibara: “N aron te kaawa ae uruaki ae akea oona, ao ai aron naba te aomata ae aki kona n taua unna.” (Taeka N Rabakau 25:28) Te anga ae ibuobuoki ibukin taotaonan unim, bon ataakini moa te koaua imwain ae ko na un. “Ana ataibwai te aomata e boni kakerikaaka unna.” (Taeka N Rabakau 19:11) Ti karaoa ae riai ngkana ti kabwanina raoi ara rongorongo, ao ni karekea otara ae e na kona ni buokira n taotaon ara namakin.
TE KAKAITAU
ANA BOTO N REIREI TE BAIBARA: “Kaotiota ami kakaitau.”—I-Korote 3:15.
AE NANONAKI IAI: E taekinaki bwa tii te aomata ae kakaitau ae e kona ni kukurei. A kakoauaa naba aei naake a a tia n rinanon te rawawata ae korakora. A taku bwa te bae buokiia bwa a na kekeiaki ma aia namakin bon aki kaatuuan iangoani baike a kabuai, ma bon aroia ni kakaitau ni baike a reke irouia.
TE BWAI AE KO KONA NI KARAOIA: Korei ni katoabong baika ko kakaitau iai. Tiaki nanona bwa tii baika bubura ma baika uarereke naba, n aron tamaroan otin taai, marorom ma ae tangiraki iroum, ke ibukin ae ko a manga ooa te bong anne. Ko kona ni kukurei riki mani baika raraoi aikai, ngkana ko iaiangoi ao ni kakaitau iai.
E kona n rangi n ibuobuoki riki iaiangoani bukini kakaitaum ibukia am utu ke raoraom. Ngkana ko a ataa bukini kakaitaum ibukia tabemwaang, tuangia tao ngkana ko kaitiboo ma ngaiia ke n te reta, te meeri, ke rinanon te kanakorongorongo n te tareboon. Karaoan anne e na bae ni kanakoraoa reitakim ma aomata ao ko na namakina kakukurein te anganga.—Mwakuri 20:35.
ANA BOTO N REIREI RIKI TABEUA TE BAIBARA
Ko kona ni karekei man te intanete kanoan te Baibara aika raweaki. A tauraoi n taetae aika 40 tabun n te jw.org
KARAROAA TE KAUNTAEKA.
“Moan rikin te un kaanga ai aroni kaukani mataroan te ran. Naako imwain rebwetauan te kauntaeka.”—TAEKA N RABAKAU 17:14.
TAI RARAOMAEAKINI KANOAN TAAI AIKA IMWAIM.
“Tai iango n raraoma . . . ibukin ningabong, bwa ko na bon raraomaeakinna ningabong. E bon tannako te bong ma kangaangana.”—MATAIO 6:34.
IANGOIA RAOI IMWAIN AE KO IRAANAKO ANGIN UNIM.
“E na teimatoa n tararuaiko te konabwai n iaiango raoi, ao e na kakawakiniko te ataibwai.”—TAEKA N RABAKAU 2:11.
Ko Bae Naba n Tangira
TARATARA!
Arom ni Kaitaraa te Tabeaianga
Neneri booto n reirei tabeua aika manena ake a na kona ni buokiko ni kaitaraa tabeaiangam ao ni kauarerekea naba.
