Ko a tia ni wareki raoi kaongora man Te Taua-n-Tantani n taai aika tibwa nako? Noria ngkana ko kona ni kaekai titiraki aikai:

Ngkana e reke te kairiri man ana botaki te Atua, tera te nano ae a riai ni bwainna taari mwaane n aroia mataniwi n te aono ao unimwaane?

A riai ni waekoa n ongeaba. A kona n titirakinia ni kangai: ‘I boutokaa aia onimaki taari n te ekaretia? I waekoa ni butimwaea ao ni boutokaa te kairiri?’​—w16.11, i. 11.

N ningai ae a taenikai iai Kristian ni koaua irouni Baburon?

E riki aei imwin raoi mateia abotoro. N te tai anne, e a moanna n tei te koraki ae rietata riki aika taani kairiri. A kauekea te Aro ni Kristian ae tannako man te koaua te Aro ao te Tautaeka, ao a kataia n taonianako Kristian aika ai aroia uita bwa a na kaini wia. Ma tatabebwi te ririki imwain 1914 ao a a kainaomataaki man tautoronakia taani kabiraki.​—w16.11, i. 23-25.

E aera ngkai e rangi ni kakawaki ana mwakuri Lefèvre d’Étaples?

N te 1520 tabun, e raira te Baibara Lefèvre nakon te taetae ni Buranti ibukia aomata aika mangori. A korakora rotakia Martin Luther, William Tyndale, ao John Calvin, n aron teuaei ni kabwarabwarai kibun te Baibara.​—wp16.6, i. 10-12.

Tera kaokoron “iaiangoani kaibwabwarun te rabwata” ma “iaiangoani bwain te taamnei”? (IRom 8:6)

Ane e iaiangoa te moan e kaatuua ana iango ni baike e tangiri ao ni kainnanoi ngkai te aomata ae aki kororaoi, ao e kani mamaroroakin ao ni kamoamoai baika irekereke ma kaibwabwarun te rabwata. Ane e iaiangoa te kauoua e kabotoa maiuna i aoni baika irekereke ma te Atua ao ana iango. E kariaia te Kristian anne kairakina n te taamnei ae raoiroi. E karekea te mate are te moan, ma e karekea te maiu ao te rau are te kauoua.​—w16.12, i. 15-17.

Baikara aanga tabeua aika manena ibukini kakerikaakan te raraoma?

Moanibwai baika kakawaki riki, karekea te kantaninga ae riai, karekea am tai n tiku n tii ngkoe ni katoabong, kakukureiko n ana karikibwai te Atua, teimatoa ni kukurei, katoatai ni kamarurung ao ni karekea te motirawa ae tau.​—w16.12, i.  22-23.

“E uotakinako [Enoka] bwa e aonga n aki nora te mate.” (Ebera 11:5) N te aro raa?

E bae n ae e karaua raoi n uotaanako Enoka te Atua man te maiu nakon te mate n akea ataakina irouna.​—wp17.1, i. 12-13.

E aera ngkai e teimatoa ni kakawaki te nanorinano?

Te nanorinano e nanona naba ataakin aroarora ao tian ara konabwai. Ti riai n ataa aron rotakia tabemwaang n aroarora ao n aki iaiangoira n te aro ae riao.​—w17.01, i. 18.

Tera te bwai ni kakoaua bwa te Atua e kaira te rabwata n tautaeka n te moan tienture, n aron ae e kairiia kaain te Rabwata n Tautaeka ni boong aikai?

E reke otaia i aoni koaua man te Koroboki ae Tabu man ana ibuobuoki te taamnei ae raoiroi. A kaira te mwakuri n uarongorongo man aia ibuobuoki anera, ao a onimakina Ana Taeka te Atua ibukin te kairiri. A riki naba akanne ni boong aikai.​—w17.02, i. 26-28.

Baikara baika a na kairira bwa ti na iangoa te kaboomwi bwa te bwai ae rangi ni kakawaki?

Aikai baika aua: Antai ae anga, bukin anganakira, te bwai ae kabuaaki, ao tera ae kainnanoaki raoi iai. Ti riai ni kananoi ara iango ni baikai bwa a kangaa n irekereke.​—wp17.2, i. 4-6.

Imwini motinnanoan te bwai teuana iroun te Kristian, e kona ni manga bita ana iango?

Ti riai ni kakoroi bukin ara taeka. Ma n tabetai iai taai ake e raoiroi riki iai manga rinanoan ara motinnano. Ngke a rairi nanoia aomata, e a bita ana babaire te Atua ibukin Ninewe. N tabetai, e kona ni kainnanoaki karaoan naba aron anne ngkana a bitaki baika riki nakoira ke iai te rongorongo ae boou.​—w17.03, i. 16-17.

E aera ngkai e rangi ni karuanikai te winnanti?

E kona ni kakorakoraa ao ni kabuburaa riki te kangaanga. E ngae ngkana ti bure ke e eti are iroura, ma ngkana ti kamanenai taeka aika kammaraki e na bon aki kanakoraoa te kangaanga.​—w17.04, i. 21.